საქართველოს წითელი ჯვრის საზოგადოების პრეზიდენტი გლობალურ სამიტს - ClimateRed თავმჯდომარეობდა
საქართველოს წითელი ჯვრის საზოგადოება ჩართულია გლობალურ ონლაინ-სამიტ ClimateRed-ში, რომელიც კლიმატსა და გარემოს კრიზისს ეხება .
როგორც „ინტერპრესნიუსს“ საქართველოს წითელი ჯვრის საზოგადოებიდან აცნობეს, დღეს, სესიას „წითელი ჯვრისა და წითელი ნახევარმთვარის ლიდერები - ერთობლივად კლიმატური და ეკოლოგიური კრიზისის წინააღმდეგ“, გაუძღვა წითელი ჯვრის საზოგადოების პრეზიდენტი, ნათია ლოლაძე.
„სამიტზე ეროვნული საზოგადოებების წარმომადგენლებმა განიხილეს მათი როლი ქვეყანაში კლიმატის ცვლილებების მართვასთან დაკავშირებით, ასევე ისაუბრეს სამომავლო აქტივობების დაგეგმვა-განხორციელებაზე.
შეხვედრა, რომელშიც 195 ქვეყნიდან 8 000 ადამიანი მონაწილეობს, მოიაზრება როგორც ყველაზე დიდი კრება რაც კი აქამდე ჩატარებულა კლიმატისა და გარემოს კრიზისის შესახებ. სამიტის განმავლობაში სიტყვით გამოვა უელსის პრინცი, ნიდერლანდების პრინცესა და სხვადასხვა ქვეყნის მთავრობის მაღალი რანგის წარმომადგენლები. ღონისძიების ფარგლებში გაიმართება 200-ზე მეტი სესია, რომელსაც გაუძღვებიან ეროვნული საზოგადოებები და პარტნიორები ”,-აღნიშნულია ინფორმაციაში, რომელსაც საქართველოს წითელი ჯვრის საზოგადოება ავრცელებს.
v-if="article.gallery" v-html="article.gallery"
