არჩილ თალაკვაძე - სახელისუფლებო გუნდი მზად არის, აშშ-სთან ერთად განაგრძოს რეფორმები და კიდევ უფრო ეფექტიანად ვიმუშაოთ ეკონომიკის გაძლიერებისთვის
პარლამენტის თავმჯდომარე არჩილ თალაკვაძე დადებითად აფასებს სახელმწიფო დეპარტამენტის ანგარიშს, სადაც საქართველოში საინვესტიციო გარემო და ბიზნესის კეთების სიმარტივე დადებითად არის შეფასებული.
მისი თქმით, მმართველი გუნდი მზად არის, სტრატეგიულ პარტნიორ აშშ-სთან ერთად განაგრძოს რეფორმები და კიდევ უფრო ეფექტიანად იმუშაოს ქვეყნის ეკონომიკის გაძლიერებისთვის.
„მისასალმებელია, რომ აშშ-ს სახელმწიფო დეპარტამენტმა დღეს ანგარიში გამოაქვეყნა, სადაც დადებითად ფასდება საქართველოში საინვესტიციო გარემო და ბიზნესის კეთების სიმარტივე. კიდევ ერთხელ დადასტურდა, რომ რეფორმები, რომელიც განვახორციელეთ, სწორი და შედეგიანი იყო.
„ქართული ოცნება“, სახელისუფლებო გუნდი მზად არის, ჩვენს სტრატეგიულ პარტნიორ აშშ-სთან ერთად განაგრძოს რეფორმები და კიდევ უფრო ეფექტიანად ვიმუშაოთ ჩვენი ეკონომიკის გაძლიერებისთვის და ასევე, ჩვენი მოქალაქეების კეთილდღეობის გაუმჯობესებისთვის. რასაკვირველია, გლობალური პანდემია ჯერ კიდევ გამოწვევად რჩება მსოფლიო ეკონომიკისთვის და ამან გავლენა მოახდინა ჩვენი ქვეყნის ეკონომიკაზეც, თუმცა, საზოგადოების მხარდაჭერით დარწმუნებული ვართ, რომ შევძლებთ ჩვენი ქვეყნის ეკონომიკის აღდგენას და ამის გაკეთებას სწორი რეფორმებით და რაციონალური ნაბიჯებით არის შესაძლებელი“, - განაცხადა თალაკვაძემ.
v-if="article.gallery" v-html="article.gallery"
