ადგილობრივმა მოსახლეობამ დიღმის ჭალებთან დაკავშირებით აქცია გამართა

ადგილობრივმა მოსახლეობამ დიღმის ჭალებთან დაკავშირებით საპროტესტო აქცია გამართა. აქციის მონაწილეებმა მუნიციპალურ სარეკრეაციო ტერიტორიაზე გარემოს დამაზიანებელი საწარმოების ფუნქციონირება კიდევ ერთხელ გააპროტესტეს. აქციის ორგანიზატორების ინფორმაციით, რამდენიმე წლის განმავლობაში დიღმის ჭალების ტერიტორიაზე ინტენსიურად დაიწყო და „კვლავაც გრძელდება გარემოს დამაზიანებელი მრავალი უკანონო საქმიანობა, რომელთა შედეგად დიღმის ჭალები ეკოლოგიური კატასტროფის წინაშე დადგა“.

აქციის ორგანიზატორების ინფორმაციით, ტერიტორიაზე გამოიკვეთა რამდენიმე დანაშაულებრივი ქმედება, მათ შორის, ტერიტორიის გაუტყეურება, მდინარის კალაპოტის წყალდაცვითი ზონიდან ქვა-ღორღის ულიცენზიო და არამდგრადი მოპოვება; კარიერის თხრილების შევსება სამშენებლო ნაგვით, დანაშაულის კვალის დაფარვის მიზნით, რამაც გამოიწვია კალაპოტის დამახინჯება და ამაღლება, აქედან გამომდინარე, ქალქის დატბორვის რისკების ზრდა; მოპოვებული ნედლეულის არამდგრადი დასაწყობება მიმდებარე ნაკვეთზე ტყის მასივის ჩამარხვის ხარჯზე;

„აპრილიდან მოყოლებული ადგილობრივმა მოსახლეობამ არაერთი სატელეფონო და წერილობითი საჩივრით მიმართა მერიის და გარემოს დაცვის და სოფლის მეურნეობის სამინისტროს, თუმცა დროულ და ეფექტურ რეაგირებას ვერ მიაღწია. მხოლოდ ჩვენი ყოველდღიური მრავალმხრივი აქტივიზმის შედეგად შევაჩერეთ უკანონო კარიერული სამუშაოები და სამშენებლო ნაგვის შემოტანა ჭალის ტერიტრიაზე, თუმცა დასაწყობებული წიაღისეულის გადამუშავება და რეალიზაცია დღემდე აქტიურად გრძელდება. მიგვაჩნია, რომ ამის მიზეზია თბილისის მერიის უმოქმედობა და შესაბამისი უწყებების გულგრილობა დიღმის ჭალების მრვალაწახნაგოვანი პრობლემის მიმართ. სწორედ ამიტომ ჩვენი, საინიცატივო ჯგუფის მთავარი მოთხოვნებია, რომ სასწრაფოდ შეწყდეს დიღმის ჭალებში მიმდინარე უკანონო საქმიანობები; მუნიციპალური ტერიორიიდან დაუყოვნებლივ გაძევდეს კანონდამრღვევი საწარმო და დაეკისროს ადეკვატური პასუხისმგებლობა; მერიამ უზრუნველყოს აღნიშნული ტერიტორიის სატყეო ზონად გამოცხადება და სამომავლოდ ტყე-პარკის აღდგენის გეგმის შედგენა. ჩვენ არ გვინდა ბეტონის ქარხანა, ჩვენ გვინდა ჭალის ტყე!“ -განაცხადეს აქტივისტებმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით