საფრანგეთში „ლელოს“ მხარდამჭერი აქცია გაიმართება
საფრანგეთში „ლელო საქართველოსთვის“ მხარდამჭერი აქცია გაიმართება. აღნიშნულ ინფორმაციას პარტიის პრესსამსახური ავრცელებს. მათი ცნობით, აქციას საფრანგეთში მცხოვრები ქართველი ემიგრანტები გამართავენ.
"ლელოს" მასშტაბები დღითიდღე იზრდება, პარტიის მიმართ დამოკიდებულება მკვეთრად დადებითი ხდება. ამის ნათელი დადასტურებაა, საფრანგეთში მცხოვრები ემიგრანტების მიერ კვირას, 13 სექტემბერს, 15:00 საათზე, ქალაქ რიემსში, მთავარ მოედანზე, "ლელოს" მხარდამჭერი აქციის დაანონსება. ემიგრანტები აქციას "ლელოს" მხარდასაჭერად და ქვეყნის უკეთესი მომავლის შესაცვლელად გეგმავენ. ინფორმაციას საფრანგეთში მცხოვრები ქართველი ემიგრანტები ზაურ გურგენიძე და კახაბერ ცხადაძე ავრცელებენ. ემიგრანტები თვლიან, რომ "ლელო" ემიგრანტებისთვის იმედია. ვისაც გსურთ სასიკეთო ცვლილებები ჩვენს ქვეყანაში - განვითარებული ეკონომიკა, მოწესრიგებული სამართლებრივი სისტემა, დაცული ადამიანის უფლებები, თავისუფალი არჩევნები და სახლში დაბრუნების პერსპექტივა, შემოგვიერთდით, "ლელო" ემიგრანტების იმედია,"- ნათქვამია გავრცელებულ ინფორმაციაში.
v-if="article.gallery" v-html="article.gallery"
