მამუკა მდინარაძის განცხადებით, რეალურად „ქართული ოცნების“ რეიტინგი 60%-ს უტოლდება

საპარლამენტო უმრავლესობის ლიდერის, მამუკა მდინარაძის განცხადებით, რეალურად „ქართული ოცნების“ რეიტინგი 60%-ს უტოლდება. როგორც მდინარაძემ კვლევითი ორგანიზაცია „გორბის“ კვლევასთან დაკავშირებით განაცხადა, გადაუნაწილებელი ხმების 4%-ის ალოკაცია რომ მომხდარიყო, მონაცემები რეალურს დაემთხვეოდა.

„ჩვენ ვიცით, რომ რეალური მონაცემი კიდევ უფრო მეტია. „გორბის“ კვლევაში კიდევ დარჩა გადაუნაწილებელი, თუ არ ვცდები 4%, რომელიც ბოლომდე ალოკაციის შემთხვევაში იძლევა დამატებითი ვარაუდების საფუძველს. თუ ბოლომდე მოხდება ალოკაცია რეალურ მონაცემებსაც დაემთხვევა. ჩვენი მონაცემები დღეს თითქმის უტოლდება 60%-ს. ასე რომ, „გორბის“ კვლევაში ეს 4% რომ ბოლომდე ალოკაციით ყოფილიყო წარმოდგენილი, ამ მონაცემს დაემთხვეოდა“,- განაცხადა მდინარაძემ.

მისივე თქმით, წარმოუდგენელია, როგორც ამ კვლევის მიხედვით „პატრიოტთა ალიანსის“, ისე „ნაციონალური მოძრაობის“ რეიტინგები.

„წარმოუდგენლად მიმაჩნია, 7 და 8%-ს უტოლდებოდეს იმ პარტიის რეიტინგი, რომელსაც მკვეთრად გამოხატული პრორუსული პოზიცია აქვს. ასევე, წარმოუდგენელია 11%, რომელიც „ნაციონალურ მოძრაობას“ აქვს, რომელიც დეკლარირებენ პროდასავლურად და რეალურად მთელი თავისი პოლიტიკური ცხოვრების განამვლობაში აკეთებენ რუსულ საქმეს“,- განაცხადა მდინარაძემ.

ცნობისთვის, კვლევითი ორგანიზაციაა „გორბის“ მიერ ჩატარებული გამოკვლევის მიხედვით, დღეს რომ საპარლამენტო არჩევნები ტარდებოდეს გამოკითხულთა 56.3% ხმას „ქართულ ოცნებას“ მისცემდა, „ნაციონალური მოძრაობის“ რეიტინგი 11.9%-ია, ხოლო „პატრიოტთა ალიანსის“ 7.1%.

იხილეთ ვიდეო:მამუკა მდინარაძის განცხადებით, რეალურად "ქართული ოცნებისს" რეიტინგი 60%-ს უტოლდება

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით