რომან გოცირიძე - "ქცევის კოდექსის" შეუსრულებლობა ცუდად იმოქმედებს პარტიებზე, პირველ რიგში "ქართულ ოცნებაზე", რომელიც "შავ ფულს" იყენებს მოსყიდვისა და დეზინფორმაციისთვის

"ქცევის კოდექსი" მხოლოდ ზრდილობიან დამოკიდებულებას ან მხოლოდ ძალადობისა და სიძულვილის ენის არ გამოყენებას არ ითვალისწინებს, არამედ ითვალისწინებს სწორედ იმ დარღვევების არ გამეორებას, რასაც "ქართული ოცნება ჩადიოდა, - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ ჟურნალისტებს განუცხადა.

რომან გოცირიძის თქმით, "ნაციონალური მოძრაობა" "ქცევის კოდექსის" შესახებ დოკუმენტს მიესალმება.

"ვიცით, რომ ე.წ ტროლების ქარხნებისთვის მილიონებს ხარჯავდნენ, დეზინფორმაცია, ოპონენტების ლანძღვა და კომპრომეტირება,სიცრუის გავრცელება, ადმინისტრაციული და სხვა რესურსის გამოყენება საარჩევნო კამპანიის დროს. ამიტომ, ეს არის საკმაოდ სერიოზული დოკუმენტი და მისი შეუსრულებლობა ცუდად იმოქმედებს პარტიებზე, პირველ რიგში, "ქართულ ოცნებაზე", რომელიც ძირითადად ამ დარღვევების ჩამდენია, როგორც სახელისუფლებო, ფულიანი პარტია და რომელიც ასევე, დიდი რაოდენობით "შავ ფულს" იყენებს მოსყიდვისა და დეზინფორმაციისთვის.

რა თქმა უნდა, ჩვენ მივესალმებით ამ დოკუმენტის ხელმოწერას და დარწმუნებული ვარ, რომ ოპოზიციური პარტიები აღებულ ვალდებულებებს მთლიანად შეასრულებენ",-განაცხადა გოცირიძემ.

​ცნობისათვის, პოლიტიკური პარტიების „ქცევის კოდექსი“ არის ნებაყოფლობითი ეთიკის ნორმები, რომლის შემუშავების პროცესის ფასილიტაცია ცესკომ შვეიცარიის სახელმწიფოს, ამერიკის შეერთებული შტატების საერთაშორისო განვითარების სააგენტოს (USAID) და საერთაშორისო რესპუბლიკური ინსტიტუტის (IRI) მხარდაჭერით, განახორციელა.

„ქცევის კოდექსის“ ხელმოსაწერი (დაბეჭდილი ან ელექტრონული ვერსია) მიეწოდება არჩევნებისთვის რეგისტრირებულ ყველა პოლიტიკურ გაერთიანებას და სურვილის შემთხვევაში, მასზე შემოერთება პარტიებს შეუძლიათ დაადასტურონ თავმჯდომარის/ხელმძღვანელი პირის ხელმოწერით.

ცნობისთვის, ოპოზიციური პარტიების წარმომადგენლებმა არჩევნებისთვის პარტიებთან მიმართებაში შემუშავებულ “ქცევის კოდექსს” ხელი მოაწერეს.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული