გიორგი შაქარაშვილის საქმეზე დაკავებული არასრულწლოვნების პროცესზე ბრალდებულებს - გიგა ტატიაშვილსა და ნიკა ჟვანიას დაკითხავენ

ფეხბურთელ გიორგი შაქარაშვილის საქმეზე დაკავებული არასრულწლოვნების საქმეზე სასამართლოში ბრალდებულებს - გიგა ტატიაშვილსა და ნიკა ჟვანიას დაკითხავენ.

დღევანდელ სასამართლო სხდომაზე, რომელიც მცხეთის რაიონულ სასამართლოში ამ წუთებში მიმდინარეობს, ასევე ჩვენებას მისცემს ლევან სამხარაულის სახელობის ექსპერტიზის ეროვნული ბიუროს ექსპერტი და ასევე, დამოუკიდებელი ექსპერტი ალექსანდრე გეჯაძე.

როგორც ერთ-ერთი ბრალდებულის ნ.ც.-ს ადვოკატი, არჩილ ბერიანიძე განმარტავს, გიგა ტატიაშვილი მისი დაცვის ქვეშ მყოფის ბრალეულობას ვერ დაადასტურებს.

„ექსპერტთან შემდეგი სახის კითხვები გვექნება, დაადგინა თუ არა ექსპერტიზამ გიორგი შაქარაშვილის გარდაცვალების ზუსტი დრო და ასევე, რამდენად მყარია ის დასკვნა, რომელიც უშუალოდ მათ მიერ იქნა დაწერილი. მოგეხსენებათ, აღნიშნულ სისხლის სამართლის საქმეში რამდენიმე სახის ექსპერტიზაა წარმოდგენილი. ჩვენ აღნიშნულ ექსპერტიზებთან გვექნება კითხვები, თუ რა თანხვედრაა აღნიშნულ საკითხებში და თუ დასკვნებს შორის აცდენაა, რამ გამოიწვია სხვადასხვაობა.

გიგა ტატიაშვილი დაადასტურებს, რომ არანაირ ორგანიზებულ ჯგუფურ ძალადობას ადგილი არ ჰქონია. ამის თქმის საშუალებას მაძლევს ზოგადად სისხლის სამართლის გარემოებები, მტკიცებულებები და ის, რომ ფიზიკურად ფაქტი არ არსებობს, რომ ჩემი დაცვის ქვეშ მყოფმა ჯგუფური ძალადობის ორგანიზება ჩაიდინა. წარდგენილ ბრალდებას ვერცერთი მოწმე, მათ შორის, ვერც გიგა ტატიაშვილი ვერ დაადასტურებს", - განაცხადა ბერიანიძემ.

დიმიტრი შველიძე - ორიენტაციული არჩევნები გვაქვს, ან გაიმარჯვებენ მედასავლეთეები, ან პროჩრდილოელები, ან მედროიფეები
ქართული პრესის მიმოხილვა 01.10.2020
კარლ ჰარცელი - სოფლად ორჯერ მაღალია სიღარიბის მაჩვენებელი, რაც ნიშნავს, რომ ეს საკითხი მეტ ყურადღებას საჭიროებს  - ევროკავშირი მხარს უჭერს საქართველოში სოფლის განვითარებას
"სილქნეტი" მომხმარებელს 29 სექტემბერს მობილურ ქსელში დაფიქსირებული შეფერხების შესახებ ინფორმაციას აწვდის და შექმნილი დისკომფორტისთვის ბოდიშს უხდის
"სილქნეტი" კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ განცხადებას ავრცელებს
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს