დამოუკიდებელი ექსპერტის ალექსანდრე გეჯაძის განცხადებით, გიორგი შაქარაშვილი დაზიანებებს დაცემის, ფერდობზე ჩაგორების, სიმაღლიდან ვარდნისას ვერ მიიღებდა.

აღნიშნულთან დაკავშირებით, გეჯაძემ სასამართლოში ჩვენება მისცა, სადაც როგორც ბრალდების მხარის მოწმე დაიკითხა.

"შეკითხვები ძირითადად კონცენტრირებული იყო დაზიანებების განვითარების შესაძლებლობებზე. მთლიანობაში დაზიანებებს, რაც აღენიშნებოდა, დაცემის შედეგად ვერ მიიღებდა, ვერ მიიღებდა ფერდობზე ჩაგორების რეჟიმში, ვერ მიიღებდა სიმაღლიდან ვარდნისას - 20-25 მეტრის სიმაღლიდან, ხიდიდან წყალში მოხვედრის პირობებში, დავუდასტურე პასუხები. ერთ-ერთი შეკითხვა იყო ის, რომ შეიძლებოდა თუ არა შაქარაშვილს დაზიანებები მიეღო მანქანასთან შეჯახების დროს, გავეცი პასუხი რომ ეს გამორიცხული იყო. პასუხი გამომდინარეობდა დაზიანებებიდან, რადგან არც ერთი შინაგანი ორგანო დაზიანებული არ ყოფილა. დაზიანებების ხანდაზმულობა არის 10-დან 20 წუთამდე დროის ინტერვალით და ეს დადგენილია კვლევებით", -განაცხადა გეჯაძემ.