მორაგბე,"შვიდკაცას" კაპიტნის რამაზ ხარაზიშვილის დაჭრის ფაქტზე პოლიციის ვაკის სამმართველოში რამდენიმე პირი გამოიკითხა.

რაგბის კავშირის თანამშრომლების განცხადებით, საგამოძიება უწყებაში მათ სტანდარტული კითხვები დაუსვეს.

რაგბის კავშირის საშეჯიბრო კომიტეტის თავმჯდომარის ნიაზ მამრიკიშცვილის ინფორმაციით, გასროლის მომენტში ის თავის ოთახში იმყოფებოდა. მისივე განმარტებით, რამაზ ხარაზიშვილის ჭრილობა ფეხზე ჰქონდა მიყენებული.

„კითხვები ჰქონდათ რა მოხდა და როგორ მოხდა. რაზეც მქონდა წარმოდგენა, ბუნებრივია, ვუთხარი. მე ჩემს ოთახში ვიყავი და გავიგონე გასროლის ხმა. როდესაც გამოვედი იქ ფაქტობრივად, უკვე დასრულებული იყო ყველაფერი. დაჭრილი ვნახე, ჭრილობა ფეხზე ჰქონდა, რამდენადაც მე მახსოვს, მარცხენა ფეხზე. ის თუ რას უკავშირდებოდა კონფლიქტი, ვერაფერს გეტყვით, იქიდან გამომდინარე, რომ არც შევსწრებივარ, არც ხმა გამიგია მანამდე, რა საუბარი იყო.

არ გამოვრიცხავ, რომ შეიძლება, პირადი ურთიერთობიდან გამომდინარე მოხდა, ვეჭვობ, რომ ფინანსურ საკითხზე ჰქონოდათ საუბარი. ორივე არის აბსოლუტურად საღად მოაზროვნე ადამიანი და იქ რა მოხდა და როგორ მოხდა, რა გზით მივიდნენ აქამდე, მიჭრს ამაზე საუბარი“, - განაცხადა ნიაზ მამრიკიშცვილმა.

ცნობისთვის, მორაგბე, "შვიდკაცას" კაპიტნის რამაზ ხარაზიშვილის დაჭრის ფაქტზე შსს-მ რაგბის კავშირის ვიცე-პრეზიდენტი მერაბ ბესელია დააკავა.

გამოძიება საქართველოს სისხლის სამართლის კოდექსის 118-ე და 236-ე მუხლებით მიმდინარეობს.