ანრი ოხანაშვილის განცხადებით, საპარლამენტო არჩევნების გადადების საკითხი არ განიხილება

იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, 2020 წლის საპარლამენტო არჩევნების შესაძლო გადადებასთან დაკავშირებით საკითხი არ განიხილება. როგორც მან ჟურნალისტებს განუცხადა, სრული მობილიზებაა იმ მიმართულებით, რომ არჩევნები უსაფრთხო გარემოში ჩატარდეს. ოხანაშვილის თქმით, ცესკო და ყველა შესაბამისი უწყება საჭირო ღონისძიებებს ატარებს იმისთვის, რომ მოქალაქეებმა მათი ჯანმრთელობისთვის უსაფრთხო გარემოში შეძლონ ხმის მიცემა.

„ყველა პროცედურა და წესი თითქმის უკვე გაწერილია. ეს თანხმდება პოლიტიკურ პარტიებთან ერთად და ყველა ერთად მივიღებთ გადაწყვეტილებას, რომ მაქსიმალურად უსაფრთხო გარემო იყოს შექმნილი არჩევნების დღეს და ასევე წინასაარჩევნო პროცესში. ამიტომ, რა თქმა უნდა, ჩვენ არ განვიხილავთ საკითხს არჩევნების შესაძლო გადადებასთან დაკავშირებით. ასევე, სრული მობილიზება გვაქვს და ვთხოვეთ ჩვენს პარტნიორებს შესაბამისი მისიების გამოგზავნა იმისთვის, რომ დააკვირდნენ საარჩევნო პროცესს.

სრულ მზადყოფნაში ვართ, რომ ჩატარდეს თავისუფალი, დემოკრატიული და მაქსიმალურად სამართლიანი არჩევნები, ასევე ეს პროცესი სრულიად უსაფრთხო გარემოში წარიმართოს", - განაცხადა ანრი ოხანაშვილმა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
ქართული პრესის მიმოხილვა 21.09.2020
რევაზ კოპალაძე - ქვეყნებში, სადაც გულშემატკივრობენ საქართველოს, მტკივნეულად აღიქვამენ სახელმწიფოს ჩარევას „კავკასუს ონლაინის“ სამეწარმეო თავისუფლებაში
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)