IRI-ის მიერ ჩატარებული კვლევის შედეგად, გამოკითხულთა 26% პოლიტიკური პარტიებისა და კანდიდატების პროგრამებს საერთოდ არ იცნობს და მხოლოდ 7% აცხადებს, რომ პროგრამების შესახებ იცის.
კითხვაზე, რამდენად კარგად იცნობთ, ან არ იცნობთ იმ პარტიებისა და კანდიდატების პროგრამებს, რომლებიც თქვენს რაიონებში, ქალაქებსა და სოფლებში იყრიან კენჭს, 20 აგვისტოს გამოკითხული მოქალაქეების 7%-მა განაცხადა, რომ კარგად იცნობს, 37 % - ცოტაოდენ იცნობს, 25 % - ნაწილობრივ არ იცნობს, 26% - საერთოდ არ იცნობს, 6 % არ იცის ან პასუხი არ აქვს კითხვაზე.
გამოკითხვა Institute of Polling and Marketings-მა 4-დან 21 აგვისტოს შუალედში ჩაატარა. კვლევის ფარგლებში მთელი საქართველოს მასშტაბით პირისპირ ინტერვიუს გზით 1 500 მოქალაქე გამოიკითხა. კვლევა US Agency for International Development-ის მიერაა დაფინანსებული. მისი საშუალო ცდომილება 2.5%-ია.