„ევროპული საქართველოს“ მაჟორიტარი დეპუტატობის კანდიდატი აჭარის უმაღლეს საბჭოში, ვახტანგ კალოიანი, ხელისუფლებას იმ კონკრეტულ ნაბიჯებს სთავაზობს, რომლებიც უზრუნველყოფს მოქალაქეების უსაფრთხოებას პანდემიის დროს.
ვახტანგ კალოიანის თქმით, უნდა შეიქმნას გაწერილი გეგმა, სამედიცინო პერსონალის უზრუნველყოფა უნდა მოხდეს ინდივიდუალური დაცვის საშუალებით, ასევე უნდა მოხდეს რისკ ჯგუფების გაძლიერებული კონტროლი, პირველადი ჯანდაცვის ჯაჭვის გამართვა, რითაც მოხდება მაქსიმალური პრევენცია.
„მიუხედავად ხელისუფლების მიერ დაკარგული დროისა და უაზროდ გაფლანგული რესურსისა, დღეს არ შევჩერდებით მის კრიტიკაზე. შემოგთავაზებთ კონკრეტულ ნაბიჯებს, რომელიც უზრუნველყოფს ჩვენი მოქალაქეების უსაფრთხოებას.
ტექნიკური აღჭურვილობის გადაცემა, კონკრეტული სამოქმედო გეგმის მიცემა.
„ევროპული საქართველო“ , მიუხედავად მათ მიერ შესრულებული სამუშაოს ძალიან დაბალი შეფასებისა, რისთვისაც ისინი აგებენ პოლიტიკურ პასუხს, მზად არის ნებისმიერი ფორმით ინტელექტუალური, ფიზიკური დაეხმაროს ჯანდაცვის სამინისტროს მის წინაშე მდგარი პრობლემების გადაწყვეტაში.“ - განაცხადა ვახტანგ კალოიანმა.
ინფორმაციას „ევროპული საქართველო“ ავრცელებს.