“სტრატეგია აღმაშენებლის” ლიდერი გიორგი ვაშაძე მიესალმება და ზე-მნიშვნელოვანს უწოდებს აშშ-ის სახელმწიფო მდივნის მაიკ პომპეოს გადაწყვეტილებას, საქართველოში, საპარლამენტო არჩევნებზე დამკვირვებლებად სახელმწიფო დეპარტამენტის მიერ მოხალისეების გამოგზავნას.

გიორგი ვაშაძის განცხადებით, მნიშვნელოვანია, რომ აშშ საქართველოს გვერდით იქნება იმისთვის, რომ ქვეყანაში დემოკრატიული არჩევნები შედგეს.

„ეს არის ზე-მნიშვნელოვანი გადაწყვეტილება და ფუნდამენტურად შეცვლის საარჩევნო გარემოს. ჩვენ ბევრი ვიბრძოლეთ ამისთვის და დიდი მადლობა ჩვენი ქვეყნის ამერიკელ სტრატეგიულ პარტნიორებს, რომ ისინი იქნებიან ჩვენთან ერთად იმისათვის, რომ ქვეყანაში შედგეს დემოკრატიული არჩევნები. ამავე დროს, არ მიეცეს ძალადობის შესაძლებლობა, რომელიც უკვე დაიწყო დამსხვრეული ოცნებების, ივანიშვილის პარტიამ საქართველოში. ძალიან მიხარია და ძალიან კარგია, რომ ისინი ჩვენთან ერთად იქნებიან და აქტიურად ჩაერთვებიან არჩევნების მონიტორინგში,“ - აცხადებს გიორგი ვაშაძე.

ინფორმაციას „სტრატეგია აღმაშენებლის“ პრესსამსახური ავრცელებს.