საპატრულო პოლიციის წარმომადგენლის განცხადებით, ისანში, აქციაზე ერთი პირი დააკავეს
ისანში, ყოფილი სამხედრო ჰოსპიტალის ტერიტორიაზე, სადაც მოსახლეობა ბინების დაკანონების მოთხოვნით აქციას მართავს, პოლიციამ ერთი პირი დააკავა.
აქციის მონაწილეებსა და სამართალდამცველებს შორის დაპირისპირება მას შემდეგ დაიწყო, რაც აქციის მონაწილეებმა საავტომობილო გზის გადაკეტვა სცადეს.
საპატრულო პოლიციის წარმომადგენლის განცხადებით, დაკავებულია აქციის მონაწილე ქალი.
„დაკავებულია ქალბატონი, რომელიც სიტყვიერ შეურაცხყოფას აყენებდა პოლიციელებს და წინააღმდეგობას გვიწევდა, ცდილობდა გზა გადაეკეტა. გადაყვანილია საპატრულო პოლიციის დეპარტამენტში“,- განაცხადა საპატრულო პოლიციის წარმომადგენელმა.
