წინანდლის მამული რიგით მეორე მუსიკალურ ფესტივალს მასპინძლობს

წინანდლის კლასიკური მუსიკის საერთაშორისო ფესტვივალი წინანდლის ისტორიულ მამულში 17-დან 20 სექტემბრამდე გაიმართება.

ამჯერად, მხოლოდ 4 დღის განმავლობაში, წინანდალი კვლავ მოგვევლინება კლასიკური მუსიკის ცენტრად.

წლევანდელი რეალობიდან გამომდინარე, ფესტივალის ფორმატი განსხვავებულია: შემცირებულია ხანგრძლივობა და მონაწილეთა რაოდენობა, არ მოხდა ახალგაზრდული პანკავკასიური ორკესტრის შეკრება და შეზღუდულია კონცერტებზე დასწრების მსურველთა რიცხვიც.

საქართველოში, ისევე როგორც მთელს მსოფლიოში, კოვიდ 19-ის გავრცელების გამო ფესტივალის ორგანიზატორებს უამრავი სირთულის დაძლევა მოუხდათ, თუმცა, წინანდლის ღია ამფითეატრში მსმენელის წინაშე მაინც წარსდგებიან მსოფლიოში აღიარებული მუსიკოსები: მარტა არგერიხი, ლიზა ბათიაშვილი, ნელსონ გიორნერი. ასევე, ნიკოლოზ რაჭველი და ეროვნული სიმფონიური ორკესტრი კამერული შემადგენლობით და სუხიშვილების ნაციონალური ბალეტი.

წინანდლის ფესტივალის მუსიკალური დირექტორი, დღევანდელობის ერთ-ერთი ყველაზე წარმატებული დირიჟორი, მაესტრო ჯანანდრეა ნოზედა, წლევანდელ ფესტივალს არ დაესწრება.

წელს ფესტივალის მონაწილეების და სტუმრების ჯანმრთელობა და უსაფრთხოება ორგანიზატორების მთავარი პრიორიტეტია. მამულის ტერიტორიაზე სტუმრების მიღება მოხდება საქართველოს მთავრობის მიერ დაწესებული რეგულაციების სრული დაცვით.

საერთაშორისო დონის კლასიკური მუსიკის ყოველწლიური ფესტივალი გასულ წელს დაარსდა და შარშან წინანდლის მამულმა 40-მდე კონცერტს უმასპინძლა, რომელშიც აღიარებულ ვარსკვლავებთან ერთად, კამერული და სიმფონიური ორკესტრები მონაწილეობდნენ. შარშან შედგა ფესტივალის ფარგლებში დაარსებული პანკავკასიური ორკესტრის დებიუტი, რომელმაც 80-მდე ახალგაზრდა ნიჭიერი მუსიკოსი გააერთიანა მსოფლიოს რამდენიმე ქვეყნიდან.

წინანდლის ფესტივალის დამფუძნებლები არიან: ვერბიეს ფესტივალის დამფუძნებელი მარტინ ენგსტრომი, ისრაელის ფილარმონიული ორკესტრის დირექტორი ავი შოშანი და კომპანია „სილქ როუდ ჯგუფის“ დამფუძნებელი გიორგი რამიშვილი. ფესტივალის გენერალური დირექტორია დავით საყვარელიძე.

წინანდლის ფესტივალის სამხატვრო ხელმძღვანელი, მარტინ ენგსტრომი და სამხატვრო კონსულტანტის ავი შოშანი:

“ჩვენ მადლობას ვუხდით ყველა არტისტს, ვინც ასეთი ენთუზიაზმით დათანხმდა ჩამოსულიყო წინანდლის წლევანდელ ფესტივალში მონაწილეობის მისაღებად. ასეთი ერთგულება ამ განსაკუთრებული ადგილისადმი ძალზე ამაღელვებელია. ამ განწყობას იზიარებს შარშან გამართულ პირველ ფესტივალზე მსოფლიოს სხვადასხვა ქვეყნიდან ჩამოსული მაყურებელიც.

ყველა, ვისაც რამე კავშირი აქვს ფესტივალთან, მოუთმენლად ელოდება შესანიშნავი მუსიკის ზეიმს ამ ოთხი დღის განმავლობაში, რაც კიდევ ერთხელ ადასტურებს მუსიკის ძალას გააერთიანოს ადამიანები ძნელბედობის დროს.”

გიორგი რამიშვილი სილქ როუდ ჯგუფის სამეთვალყურეო საბჭოს თავმჯდომარე, წინანდალის ფესტივალის დამფუძნებლი:

“მოხარულები ვართ, რომ შევძელით ამ რთულ დროს ისევ ვუმასპინძლოთ წინანდალის ფესტივალის მაყურებელს და შევთავაზოთ მუსიკა ცოცხალი შესრულებით. ჩვენ ძალიან მადლობელი ვართ ყველა შემსრულებლის, ვინც ფესტივალის მიმართ ასეთი ერთგულება გამოიჩინა და წინანდალში ჩამოვიდა. ვერაფერი შეედრება ცოცხალი შესრულების ძალას, რადგანაც მხოლოდ ცოცხალი შესრულებისას არის შესაძლებელი მუსიკოსის ემოციური კავშირი აუდიტორიასთან.”

წინანდლის მუსიკალური ფესტივალის წარმდგენია კომპანია სილქნეტი.

(R)

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)