წინანდლის მუზეუმს შარლ დე გოლის წერილები გადაეცა

წინანდლის მუზეუმმა შარლ დე გოლის 16 წერილი და დე გოლების ოჯახის წევრების კუთვნილი ნივთები მიიღო საჩუქრად. წერილების ადრესატი და ნივთების მესაკუთრე როჟე დე გოლი, გენერალ დე გოლის ძმისწული იყო, თავისუფალი საფრანგეთის მებრძოლი და საფრანგეთის წინააღმდეგობის მოძრაობის წევრი.

წინანდლის მუზეუმს აღნიშნული წერილები და ნივთები გადასცა როჟე დე გოლის მემკვიდრემ, წინააღმდეგობის მოძრაობის კიდევ ერთი თვალსაჩინო წევრის, ჟენევიევ დე გოლ-ანტონიოზის შვილმა, წინანდლის მეგობარმა, მხატვარმა ფრანსუა მარი ანტონიოზმა.

“მივიღეთ გადაწყვეტილება, რომ გენერალ დე გოლის ეს წერილები გადავცეთ საქართველოს. აქ, ისტორიის, ხელოვნებისა და კულტურის მექაში,სადაც დღესდღეობით ტარდება თანამედროვე მხატვრობის და ქანდაკების გამოფენები, სადაც პრესტიჟულმა საერთაშორისო მუსიკალურმა ფესტივალმაც დაიდო ბინა, აშკარად იგრძნობა ღრმა და ცოცხალი კავშირი საფრანგეთთან; იგრძნობა ისტორიული კავშირები გენერალ დე გოლსა და საქართველოს შორის, და ჩვენს ორ ძმურ და სუვერენულ ქვეყანას შორის”, - მხატვარი ფრანსუა მარი ანტონიოზი.

წინანდლის მუზეუმის სტუმრებს საშუალება ექნებათ დაათვალიერონ დე გოლების ოჯახის მემკვიდრეობის ნაწილი, რომელიც საქართველოში დარჩება, როგორც თავისუფლებისთვის ბრძოლის და დამპყრობლისადმი დაუმორჩილებლობის სიმბოლო.

ჭავჭავაძეების ოჯახს საფრანგეთთან მჭიდრო კავშირი ჰქონდა, წინანდლის მამულს არაერთი ფრანგი სტუმარი ახსოვს, მათ შორის იყო ალექსანდრე დიუმა უფროსიც. თავად ალექსანდრე ჭავჭავაძე საფრანგეთის საპატიო ლეგიონის ორდენის კავალერი იყო. და დღეს წინანდალსა და საფრანგეთს შორის კიდევ ერთი ისტორიული ხიდი გაჩნდა, რომელიც საფრანგეთის და საქართველოს მეგობრობის კიდევ ერთი დასტურია.

„ბოლო ათწლეულის განმავლობაში სამუზეუმო ექსპოზიციას ბევრი ახალი ექსპონატი შევძინეთ, რომელთა შორის არის, როგორც ალექსანდრე ჭავჭავაძის ეპოქის დროინდელი არტეფაქტები, ასევე მისი მემკვიდრეების საკუთრებაში არსებული ნივთები, რომელიც სხვადასხვა ქვეყნის აუქციონზე და კერძო პირებისგან შევიძინეთ. ბევრი ექსპონატი მუზეუმს კერძო შემომწირველებმაც გადასცეს. და ახლა მუზეუმის კოლექციას ლეგენდარული შარლ დე გოლის წერილებიც შეემატება. – გიორგი რამიშვილი, სიქლ როუდ ჯგუფის დამფუძნებელი

17 სექტემბერს წინანდლის მუზეუმში საჩუქრის საზეიმო გადაცემას საქართველოს პრეზიდენტი ქალბატონი სალომე ზურაბიშვილი, საფრანგეთის ელჩი საქართველოში, ბატონი დიეგო კოლასი და დე გოლების ოჯახის მემკვიდრე დაესწრნენ.

(R)

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)