პარლამენტში ნათია თურნავას უსმენენ
პარლამენტში პლენარული სხდომა მიმდინარეობს, სადაც ეკონომიკისა და მდგრადი განვითარების მინისტრს ნათია თურნავას ინტერპელაციის წესით უსმენენ.
პლენარული სესია 12:00 საათზე იყო ჩანიშნული, თუმცა, სხდომა პარლამენტის თავმჯდომარემ რამდენიმე წუთის წინ გაიხსნა. როგორც ცნობილია, არჩილ თალაკვაძე ღირსეული პარტნიორის საზეიმო დახურვაზე იმყოფებოდა.
სხდომა ინტერპელაციის წესის პროცედურით დაიწყო.
ნათია თურნავა საკანონმდებლო ორგანოში ინტერპელაციის წესით "ევროპულმა საქართველომ დაიბარა". შესაბამისად, პარტიის წევრები დღევანდელ სხდომას ესწრებიან.
სხდომაზე მთლიანობაში რეგისტრაცია 93- მა დეპუტატმა გაიარა, რაც იმას ნიშნავს, რომ სხდომას ამდენივე დეპუტატი ესწრება.
რეგლამენტის თანახმად, ინტერპელაციის წესი დებატებსაც მოიცავს, შესაბამისად, კითხვა პასუხისა და დაზუსტების შემდეგ დებატებიც გაიმართება.
v-if="article.gallery" v-html="article.gallery"
