დონალდ ტრამპი - ბაიდენის გამარჯვება ჩინეთის გამარჯვებას ნიშნავს

ბაიდენის გამარჯვება ჩინეთის გამარჯვებას ნიშნავს, - ამის შესახებ აშშ-ს პრეზიდენტმა, დონალდ ტრამპმა პოსტი სოციალურ ქსელში დაწერა.

მისი თქმით, აშშ-ს დემოკრატების საპრეზიდენტო კანდიდატის, ჯო ბაიდენის გამარჯვების შემთხვევაში, ეს ბრბოს გამარჯვება იქნება.

„თუ ბაიდენი გაიმარჯვებს, მეამბოხეები, ანარქისტები, ცეცხლის წამკიდებლები, დროშის დამწველები გაიმარჯვებენ. მეორე ვადით არჩევაზე ვიყრი კენჭს, რათა ვისკონსინში სამუშაო ადგილები და ქარხნები დავაბრუნო, რათა მოძალადე კრიმინალები გისოსებს მიღმა აღმოჩნდნენ, რათა უზრუნველვყო, რომ მომავალი ამერიკას ეკუთვნოდეს - და არა ჩინეთს! ვინაიდან თუ ჩვენ მოვიგებთ, ამერიკა მოიგებს. ჩვენ მთელი მსოფლიოს ისტორიაში უდიდესი ეკონომიკა ავაშენეთ და ახლა ამას ისევ ვაკეთებთ", - განაცხადა ტრამპმა.