ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა

"ჩვენთან მიმართებაში გამოცხადებულია საინფორმაციო ბლოკადა", - დღეს გამართულ ბრიფინგზე განაცხადა "პატრიოტთა ალიანსის" გენერალურმა მდივანმა, ირმა ინაშვილმა. ინაშვილმა ცენტრალური საარჩევნო კომისიის თავმჯდომარეს შეახსენა, რომ ყველა საარჩევნო სუბიექტს თანაბარი საინფორმაციო გაშუქების უფლება და საშუალება უნდა მიეცეს.

"მინდა ხაზი გავუსვა, რომ დღეს საქართველოში არჩევნები არ ტარდება. ეს არის, ერთი მხრივ, ბრძოლა იარლიყებით და მეორე მხრივ, ჩვენთან მიმართებაში გამოცხადებულია საინფორმაციო ბლოკადა. მაგალითად, დღეს ჩვენს ბრიფინგს არ ესწრება საზოგადოებრივი მაუწყებელი, რომელსაც ევალება თანაბრად გააშუქოს ყველა საარჩევნო სუბიექტის აქტივობა. პრაქტიკულად, არის მცდელობა, რომ საერთოდ გაგვაქრონ საინფორმაციო ველიდან.

რამდენიმე დღის წინ ჩვენ გვქონდა საარჩევნო პრეზენტაცია ქუთაისში, 5000-ზე მეტი ადამიანი ესწრებოდა ამ ღონისძიებას და ეს ფაქტი ტელევიზიების და სახვადასხვა საინფორმაციო საშუალებების მხრიდან სამარცხვინოდ გაშუქდა. ყველა არხი აშუქებდა პროვოკაციულ პერფორმანსს - ბორშის ინციდენტს და არა მოვლენას, რომელზეც მოწვეული გვყავდა ტელევიზიები.

ცენტრალური საარჩევნო კომისიის თავმჯდომარეს მინდა მივმართო: ცენტრალური საარჩევნო კომისია პასუხისმგებელია, რომ ყველა საარჩევნო სუბიექტს თანაბარი საინფორმაციო გაშუქების უფლება და საშუალება ჰქონდეს. მოვუწოდებ ცენტრალური საარჩევნო კომისიის თავმჯდომარეს, ჩვენი კლიპების რევიზიით კი არ დაკავდეს, არამედ უზრუნველყოს წინასაარჩევნო აგიტაციის თანაბარი გაშუქების პროცესი.

იმედი მაქვს, რომ უწყებათაშორისი კომისია დაიწყებს მუშაობას და ჩვენ ამ განცხადებით შევალთ უწყებათაშორისი კომისიის პირველივე სხდომაზე. მესმის, რომ საქართველოში ყველა ტელევიზია ბერკეტია ამა თუ იმ პოლიტიკური პარტიის ხელში, მაგრამ ნუ დავკარგავთ ობიექტურობის განცდას და გავაშუქოთ პროცესები სამართლიანად და ობიექტურად", - განაცხადა ირმა ინაშვილმა.

(R)

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით