31 ოქტომბერს დაგეგმილ არჩევნებში ალეკო ელისაშვილის პოლიტიკური პარტია „მოქალაქეები“ 24 ნომრით მიიღებს მონაწილეობას,- ამის შესახებ „ინტერპრესნიუსს“ პარტიიდან აცნობეს.

“მოქალაქეებმა“ ჯერ კიდევ ერთი თვის წინ მივმართეთ ცენტრალურ საარჩევნო კომისიას, რომ დროულად გაემართა ნომრის მინიჭებისთის წილისყრის პროცედურა, რადგან კანონი იძლეოდა ამის საშუალებას. ახალდაფუძნებული პარტიებისთვის ეს განსაკუთრებულად მნიშვნელოვანი არის, თუმცა როგორც მოსალოდნელი იყო ცესკო-მ ბოროტად გამოიყენა მის ხელთ არსებული უფლებამოსილება და გააკეთა ეს დადგენილ ვადამდე მხოლოდ 10 დღით ადრე, რაც ნიშნავს რომ დღეს არჩევნებში მონაწილეობას იღებს პარტიები, რომლებსაც წლების განმავლობაში აქვს უცვლელად ნომერი, ხოლო ჩვენ მხოლოდ 40 დღე დაგვრჩა იმისთვის, რათა საკუთარ ამომრჩევლამდე მივიტანოთ ინფორმაცია რომ 31 ოქტომბერს, საარჩევნო ყუთებთან უნდა შემოხაზონ 24. ეს არის მანკიერი პრაქტიკა, რომელსაც ცესკო წარმატებით იყენებს“, - განაცხადა ცენტრალურ საარჩევნო კომისიაში ალეკო ელისაშვილის შტაბის გენერალურმა მდივანმა ივანე ნორაკიძემ.