ირანი აშშ-ის განცხადებას, სანქციების ამოქმედების თაობაზე, „პროპაგანდისტულ ტრიუკს“ უწოდებს
ირანი აშშ-ის განცხადებას, თეირანისთვის გაეროს სანქციების მექანიზმის ამოქმედების შესახებ, ეხმაურება მას „პროპაგანდისტულ ტრიუკს“ უწოდებს.
ირანის საგარეო უწყების ხელმძღვანელის განცხადებით, აღნიშნული ნოემბრის საპრეზიდენტო არჩევნებთან არის დაკავშირებული.
„აშშ-ის გადაწყვეტილება, სანქციების ავტომატური ამოქმედების მექანიზმის შესახებ, არ არის მხარდაჭერილი გაეროს უშიშროების საბჭოს მიერ, რადგან აშშ აღარ არის თეირანის ატომური პროგრამის 2015 წლის ისტორიული შეთანხმების მონაწილე და არავითარი სამართლებრივი ბერკეტები აღარ გააჩნია“ , - განაცხადა ირანის საგარეო საქმეთა მინისტრმა მოჰამად ჯავად ზარიფმა ირანის ტელევიზიით გამოსვლისას.
ინფორმაციისთვის, აშშ-ის სახელმწიფო მდივანმა, მაიკ პომპეომ განაცხადა, რომ აშშ ცალმხრივ რეჟიმში ირანის წინააღმდეგ ყველა სანქციის ამოქმედებას აცხადებს, რომელიც 2015 წლამდე, „ბირთვული შეთანხმების“ გაფორმებამდე მოქმედებდა.
პომპეოს თქმით, სანქციები 19 სექტემბრის 20:00 საათიდან (ვაშინგტონის დროით) კვლავ ძალაშია.
This is a modal window.
v-if="article.gallery" v-html="article.gallery"
