აშშ-ის მაგისტრმა მოსამართლემ, ლაურელ ბილერმა, ჩინური აპლიკაცია WeChat-ის ჩამოტვირთვის აკრძალვის შესახებ აშშ-ის მთავრობის გადაწყვეტილება დაბლოკა, - ამის შესახებ ინფორმაციას BBC-ი ავრცელებს.
გამოცემის ცნობით, მოსამართლემ განაცხადა, რომ აპლიკაციის აკრძალვა სერიოზულ კითხვებს ბადებს კონსტიტუციის პირველ შესწორებასთან დაკავშირებით, რომელიც თავისუფალ სიტყვას უზრუნველყოფს.
აშშ-ის მთავრობაში მიიჩნევენ, რომ აპლიკაცია WeChat-ი ქვეყნის ეროვნულ უსაფრთხოებას საფრთხეს უქმნის.
მოსამართლე ბილერის განცხადებით, ”მიუხედავად იმისა, რომ ჩინეთთან დაკავშირებული ეროვნული უსაფრთხოების საფრთხის შესახებ ზოგადი მტკიცებულებები (ტექნოლოგიებსა და მობილურ ტექნოლოგიებთან დაკავშირებით) საკმაოდ მნიშვნელოვანია, WeChat– ის შესახებ კონკრეტული მტკიცებულებები მოკრძალებულია”.