სერიალი „მემკვიდრეობა“ ნომინაციაში საუკეთესო დრამატული სერიალი Emmy-ის გამარჯვებული გახდა, - ამის შესახებ ინფორმაციას cbsnews-ი ავრცელებს.

სერიალის მსხაიობმა ჯერემი სტრონგმა დრამატულ სერიალში მამაკაცის პირველხარისხოვანი როლის საუკეთესო შესრულების ნომინაციაში გაიმარჯვა, ქალის პირველხარისხოვანი როლის საუკეთესო შემსრულებლად კი სერიალ „ეიფორიაში“ მონაწილეობისთვის მსახიობი ზენდაია დასახელდა.

დრამატულ სერიალში მამაკაცის მეორეხარისხოვან როლის საუკეთესო შესრულებისთვის ბილი კრუდაპი დაჯილდოვდა, მან ჯილდო სერიალ „დილის შოუში“ მონაწილეობისთვის მოიპოვა.

დრამატულ სერიალში ქალის მეორეხარისხოვან როლის საუკეთესო შემსრულებლის ნომინაციაში კი ჯულია გარნერმა გაიმარჯვა ფილმ „ოზარკში“ შესრულებული როლისთვის.

დრამატული სერიალის საუკეთესო რეჟისორად ფილმ „მემკვიდრეობის“ რეჟისორი ანდრიჯ პარეხი დასახელდა, საუკეთესო სცენარის ავტორად კი - ჯეს არმსტრონგი.

რაც შეეხება დანარჩენ გამარჯვებულებს, საუკეთესო კომედიურ სერიალად „შითს ქრიკი“ (Schitt's Creek) დასახელდა, კომედიურ სერიალში მამაკაცის პირველხარისხოვანი როლის საუკეთესო შესრულებისთვის ამავე სერიალში მონაწილებისთვის მსახიობმა იუჯინ ლევიმ გაიმარჯვა, ქალის პირველხარისხოვანი როლის საუკეთესო შესრულებისთვის კი ჯილდო ქეთრინ ოჰარას ერგო, ასევე სერიალ „შითს ქრიკში“ მონაწილეობისთვის.

ამავე სერიალის პერსონაჟებმა დენიელ ლევიმ და ენი მერფიმ კომედიურ სერიალში მამაკაცისა და ქალის მეორეხარისხოვანი როლების საუკეთესო შემსრულებლების ნომინაციებში გაიმარჯვეს.

კომედიური სერიალის საუკეთესო რეჟისორებად სერიალ „შითს ქრიკის“ რეჟისორები ენდრიუ ჩივიდინო და დანიელ ლევი დასახელდნენ, სცენარის საუკეთესო ავტორად კი - დანიელ ლევი აღიარეს.

შეგახსენებთ, Emmy-ის 72-ე დაჯილდოება ვირტუალურ ფორმატში რამდენიმე საათის წინ გაიმართა.