მარინა ეზუგბაია - საქართველო ჯერჯერობით „მწვანე ზონაში“ რჩება

ინფექციური საავადმყოფოს სამედიცინო დირექტორის მარინა ეზუგბაიას განცხადებით, დაინფიცირებულთა დღიური რიცხვი არ იზრდება და 152-დან 196-ს შორის მერყეობს.

მისივე თქმით, ჯერჯერობით ცხელ წერტილად ისევ აჭარა რჩება, თუმცა მიმდინარეობს მუშაობა, რისი შედეგიც სახეზეა და აჭარაშიც კლებისკენ მიდის სიტუაცია.

„მონაცემები არ იზრდება საბედნიეროდ, ჩვენ არ გადავედით 200-ზე მეტ რიცხვებში. სექტემბრიდან დაიწყო დაინფიცირებულთა რიცხვის მატება და ვმერყეობთ 152-დან 196-ს შორის, 200 არ გამხდარა. აგვისტოში კეთდებოდა დღეში დაახლოებით 7 000 ტესტი და დღეს, როგორც ვიცი ეს რიცხვი გაორმაგებულია და ამ მონაცემებით, საქართველო ჯერჯერობით „მწვანე ზონაში“ რჩება და ვნახოთ როგორი დინამიკა იქნება“, - განაცხადა მარინა ეზუგბაიამ.

მარინა ეზუგაბაიამ კიდევ ერთხელ მოუწოდა მოსახლეობას რეგულაციების დაცვისკენ.

საქართველოში კორონავირუსით ინფიცირების შემთხვევათა რაოდენობა 3695 -ს შეადგენს, საიდანაც 1534 ადამიანი უკვე გამოჯანმრთელდა. ქვეყანაში კორონავირუსით 20 ადამიანი გარდაიცვალა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით