ამერიკული კომპანიის შვილობილი, სოციალური კომერციის პლატფორმა MRKT-ი ქართულ ბაზარზე სატესტო რეჟიმში ერთი თვის წინ გამოჩნდა.

MRKT-ის აპლიკაცია მომხმარებელს საშუალებას აძლევს გაყიდოს ან იყიდოს ნივთი ონლაინ.

აპლიკაციის „ეპლის“ და „გუგლის“ სთორებიდან ტელეფონში ჩამოტვირთვა სრულიად უფასოდ არის შესაძლებელი.

კომპანიაში აცხადებენ, რომ განსაკუთრებით პანდემიის პირობებში, ძალიან მნიშვნელოვანია მსგავსი შოპინგ- პლატფორმების გააქტიურება. ამასთან, კომპანიაში მიიჩნევენ, რომ პირველ რიგში, მნიშნველოვანია, ინდივიდუალური “სელერების” დახმარება, მათთვის დამატებითი შემოსავლის წყაროს შექმნა და ასევე ექსპორტის ხელშეწყობა.

"შესაბამისად, ექსპორტის და საერთაშორისო ბაზრის აქტუალობის გამო, აპლიკაციაში კომერციის წარმოება უცხოურ ვალუტაში ხდება.

სწორედ ამიტომ, გადაწყვიტა კომპანიამ 22 სექტემბრიდან ახალ წლამდე, 100 დღის განმავლობაში, საქართველოს მასშტაბით მომხმარებელს საკომისიო მოუხსნას, რაც ნიშნავს, რომ “სელერები” პლატფორმაზე კომერციის წარმოებას, 1-ელ იანვრამდე სრულიად უფასოდ შეძლებენ",- აცხადებენ კომპანიაში.

ამასთან, უფასო იქნება 100 დღის განმავლობაში, 3 კილოგრამამდე საერთაშორისო და ასევე შიდა ამანათების გაგზავნაც.

"საქართველოდან მსოფლიო მასშტაბით გზავნილების მიმოსვლის სირთულის და მაღალი ფასების გამო, მცირე ბიზნესს, ინდივიდუალურ მეწარმეებს თუ არტისტებს დღესდღეობით არ აქვთ პროდუქციის ფართო მასშტაბით რეალიზაციის საშუალება. გზავნილების სუბსიდირება კი იქნება, როგორც აღნიშნული პრობლემის ნაწილობრივ გადაჭრა და ექსპორტის ხელშეწყობა, ასევე არტისტებისა თუ სხვა ლოკალური “სელერების” და ლოკალური წარმოების წახალისება",- აღნიშნავენ კომპანიაში.

(R)