გიგი წერეთელი მიიჩნევს, რომ შრომის უფლებები, განსაკუთრებით რისკიან პროფესიებზე დაცული უნდა იყოს

ასეთი კანონმდებლობა ვერ წაადგება დღევანდელი უმუშევრობის ძალიან დიდ პრობლემას,- ამის შესახებ "ევროპული საქართველოს“ მაჟორიტარობის კანდიდატმა ტყიბულის, თერჯოლის, ზესტაფონისა და ბაღდათის ოლქში, გიგი წერეთელმა შრომის კოდექსში ცვლილებებთან დაკავშირებით განაცხადა.

გიგი წერეთლის თქმით, დაცული უნდა იყოს შრომის უფლებები, განსაკუთრებით რისკიან პროფესიებზე, თუმცა, ამავდროულად, ამგვარი ცვლილებები სტიმულს უნდა აძლევდეს ახალი სამუშაო ადგილების შექმნას.

„შრომის კოდექსში“ ცვლილებებთან დაკავშირებით არაერთხელ გამოვთქვით პოზიცია, რომ პირველ რიგში, ამგვარი ცვლილებები, რეგულაციები, სტიმულს უნდა აძლევდეს ახალი სამუშაო ადგილების შექმნას და დამსაქმებელს უნდა აძლევდეს ამ სტიმულს პირველ რიგში.

რა თქმა უნდა, დასაქმებულის უფლებები დაცული უნდა იყოს, განსაკუთრებით რისკიან პროფესიებზე, მაგალითად, როგორიც არის შახტა და სხვა, აქ უნდა იყოს დაცული შრომის უფლებები და მინიმალური, საბაზო დაცვა, ყველას უნდა ჰქონდეს “, -განაცხადა გიგი წერეთელმა.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული