შაქარაშვილის საქმეზე დაკავებული არასრულწლოვნების პროცესზე ფოტოგრაფი იაკობ ბრეგვაძე იკითხება

ფეხბურთელ გიორგი შაქარაშვილის საქმეზე დაკავებული არასრულწლოვნების საქმეზე მცხეთის რაიონულ სასამართლოში ე.წ. ოქროს მოწმე ფოტოგრაფი იაკობ ბრეგვაძე იკითხება. მას პროცესის დაწყებამდე ჟურნალისტებთან კომენტარი არ გაუკეთებია.

ბრეგვაძის ადვოკატის ირმა ჭკადუას განმარტებით კი, ბრეგვაძეს დასამალი არაფერი აქვს და მზად არის, ყველა კითხვას პასუხი გასცეს.

"იაკობმა რაც იცოდა ყველა იმ ფაქტის შესახებ, რაც იმ საღამოს განვითარდა, ამომწურავი ინფორმაცია მიაწოდა, როგორც საგამოძიებო ორგანოებს, ასევე მასმედიის წარმომადგენლებს. მერწმუნეთ, იაკობს დასამალი არაფერი აქვს, კონკრეტული პირების იდენტიფიცირება არ შეუძლია, მან უბრალოდ ადამიანების ოდენობა იცის, დანარჩენს პროცესის შემდეგ მოგახსენებთ. რა კითხვები იქნება არ ვიცი, იაკობ ბრეგვაძე მზად არის, ყველა კითხვას უპასუხოს.

ყველა დანარჩენი სტუმარი მანქანით წავიდა, სრულიად შემთხვევით, 6 ადამიანი დარჩა მანქანის გარეშე, ყველა ერთად მოდიოდა თბილისში. მათი სახელებიც კი მაშინ არ იცოდა, იცოდა ჩაცმულობით. რაც შეეხება შემდეგ მოსულ ადამიანებს, მან ისინი სახეზე არ იცის, ვიცით რომ იყო სიბნელე. მას უფრო კარგად ახსოვს ის ორი ადამიანი, ვინც მაგისტრალზე წამოეწია და ნომრები გაცვალეს მისთვის უცნობმა ადამიანებმა. იაკობმა იფიქრა, რომ როგორც მან უშველა თავს, ისე უშველეს დანარჩენებმაც, რაზეც იაკობი საუბრობს, ამაზე კადრები არსებობს, როგორ შედის იმ სახლში და როგორ გამოდის იმ სახლიდან. ვთქვათ, იაკობ ბრეგვაძე ცრუობს, რას ვუშვებით იმ კადრებს?როცა იაკობი გამოდის იმ სახლიდან და გადადის მეორე მხარეს, აბსოლუტურად არაფერი ხდება. შესაბამისად, მან იფიქრა, რომ სხვებმაც თავს უშველეს. სანამ პატრული მოვიდოდა, იქამდე რომ ურეკავენ ბრეგვაძეს, იქაც ეუბნება, აზრი აღარ აქვს, კონფლიქტი ამოწურულია და ნუ მოხვალთო", -განაცხადა ჭკადუამ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა