ვლადიმირ ზელენსკი - ჩვენ 3 000 დაინფიცირებული გვყავს დღეში, სამწუხაროდ, ეს უკრაინაში მეორე ტალღაა

უკრაინის პრეზიდენტის, ვლადიმირ ზელენსკის განცხადებით, ქვეყანაში კორონავირუსის მეორე ტალღა დაიწყო. მისი თქმით, დღეში 3 000 ახალი დაინფიცირებული უკვე ნიშნავს ეპიდემიის მეორე ტალღას. უკრაინული მედიის ინფორმაციით, ზელენსკიმ ამის შესახებ სლოვაკეთში ვიზიტისას პრესკონფერენციაზე განაცხადა.

„ჩვენ ვერ გავრისკავთ როგორც უკრაინელების, ისე უკრაინაში სხვა ქვეყნებიდან ჩამომსვლელების მდგომარეობას. იზრდება დაავადებულთა რიცხვი, ამიტომ ჩვენ უცხო ქვეყნის მოქალაქეებისთვის შემოსვლა გვაქვს აკრძალული. ვფიქრობ, ეს სწორი გადაწყვეტილებაა. ასე მოვიქეცით, როცა პირველი ტალღა დაიწყო და მისი შეჩერება შევძელით“, - აღნიშნა უკრაინის ლიდერმა.

პრეზიდენტის თქმით, როგორც კი უკრაინაში სიტუაცია დასტაბილურდება, აუცილებლად გაიხსნება საზღვრები უცხო ქვეყნის მოქალაქეებისთვის.

ცნობისთვის, 24 სექტემბრის მდგომარეობით, უკრაინაში სულ კოვიდ-19-ის 188 106 შემთხვევაა გამოვლენილი, მათგან 3 757 პაციენტი გარდაიცვალა, 83 000-ზე მეტი პირი კი განიკურნა. ბოლო დღე-ღამის განმავლობაში ქვეყანაში კორონავირუსის 3 372 ახალი შემთხვევა დაფიქსირდა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს