ეუთო-ს დემოკრატიული ინსტიტუტებისა და ადამიანის უფლებების ოფისის (OSCE/ODIHR) სადამკვირვებლო მისიის ხელმძღვანელის, ელჩ ჯილიენ სტირკის განცხადებით, საქართველოს 2020 წლის საპარლამენტო არჩევნებზე ეუთო/ოდირის დაახლოებით 380-მდე დამკვირვებელი იქნება წარმოდგენილი.

მისივე ინფორმაციით, დამკვირვებლები საქართველოში რამდენიმე ეტაპად ჩამოვლენ.

ამასთან, მისია შეაფასებს არჩევნების შესაბამისობას როგორც ეუთო-ს ვალდებულებებსა და სხვა საერთაშორისო მოვალეობებთან, ასევე დემოკრატიული არჩევნების საერთაშორისო სტანდარტებსა და ადგილობრივ კანონმდებლობასთან.

„ჩვენი მთავარი ჯგუფი შედგება 13 საერთაშორისო ექსპერტისგან და მოველით, რომ შემოგვიერთდება 27 გრძელვადიანი დამკვირვებელი და სავარაუდოდ, 350 მოკლევადიანი დამკვირვებელი. საბოლოო რაოდენობა მაშინ გვეცოდინება, როდესაც ეს მისიები ჩამოსვლას დაიწყებენ. დაახლოებით, იქნება 380 დამკვირვებელი", - განაცხადა ჯილიან სტირკიმ.