საქართველოს პარლამენტის თავმჯდომარის არჩილ თალაკვაძის განცხადებით, რეკომენდაციების დაცვა მნიშვნელოვანია, რათა ეს პერიოდი ქვეყანამ მინიმალური ზიანით გაიაროს. ამის შესხებ არჩილ თალაკვაძემ ბიუროს სხდომაზე განაცხადა.

„კიდევ ერთხელ მსურს ყველა ჩვენს თანამოქალაქეს შევახსენო, რომ კოვიდპანდემიის პირობებში მნიშვნელოვანია რეკომენდაციების დაცვა, პირბადის ტარება, დისტანციის დაცვა, დეზინფექციის პირობების შექმნა, ხელების დამუშავება, როგორც ეს ჯანდაცვის სამინისტროს მიერ მოწოდებულ რეკომენდაციებში არის აღწერილი. თუ ამ პირობებს დავიცავთ და ერთმანეთის ჯანმრთელობას გავუფრთხილდებით, ჩვენ შევძლებთ, რომ მინიმალური ზიანით გავიაროთ ეს რთული პერიოდი. მე მსურს, პარლამენტის სახელით მადლობა გადავუხადო ჯანდაცვის სამსახურებს, ყველა იმ ეპიდემიოლოგს, ექთანს, რომლებიც ჩართულები არიან პანდემიის წინააღმდეგ ბრძოლაში, 24 -საათიან რეჟიმში და ჩვენს მოქალაქეებს აწვდიან აუცილებელ დახმარებასა და სერვისებს“, - განაცხადა არჩილ თალაკვაძემ.