თბილისში, კოტე აფხაზის ქუჩაზე ერთ-ერთ კაფეში ხანძარია

თბილისში, კოტე აფხაზის ქუჩაზე მდებარე კაფე „ბლუმში“ ხანძარია.

საგანგებო სიტუაციების მართვის სამსახურის თბილისის მთავარი სამმართველოს უფროსის, ოთარ კერესელიძის განცხადებით, ხანძრის გამომწვევი მიზეზები ჯერჯერობით უცნობია.

„კოტე აფხაზის ქუჩის მიმდებარედ, ერეკლე მეორის 11 ნომერში კაფე „ბლუმში“ მოხდა ხანძარი. ადგილზე ოპერატიულად იქნა მობილიზებული სახანძრო სამაშველო ჯგუფები, იყო ხანძრის გავრცელების საფრთხე, თუმცა მეხანძრე მაშველების დროული და ოპერატიული მუშაობის შედეგად, ხანძრის დროული ლოკალიზება მოხდა.

დამწვარია შენობის 200 კვადრატულ მეტრამდე ტერიტორია. ხანძარი ამ დროისთვის არის ლოკალიზებული და მიმდინარეობს სალიკვიდაციო სამუშაოები.

დაშავებული არავინ არ არის. კაფის თანამშრომლები გამოსულები იყვნენ შენობიდან მეხანძრე-მაშველების მოსვლამდე.

გავრცელების საფრთხე ამ დროისთვის არ არის. ადგილზე მობილიზებული იყო 8 სახანძრო და 1 სამაშველო ჯგუფი“,- განაცხადა ოთარ კერესელიძე.

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს