კახა კუჭავა - ბოლო 8 წელიწადში მიღწეული შედეგებით ნამდვილად უნდა იამაყოს როგორც მმართველმა გუნდმა, ისე თითოეულმა ადამიანმა

პარლამენტის ვიცე-სპიკერის კახა კუჭავას განცხადებით, ბოლო 8 წელიწადში მიღწეული შედეგებით ნამდვილად უნდა იამაყოს როგორც მმარველმა გუნდმა, ისე თითოეულმა ადამიანმა. როგორც მან პარლამენტის პლენარულ სხდომაზე განაცხადა, საქართველო როგორც არასდროს, ისე ახლოს არის ევროპასთან და როგორც არასდროს ისეთი ძლიერია თანამშრომლობა სტრატეგიულ პარტნიორებთან.

კახა კუჭავას თქმით, წარმატებების ფონზე, ოპონენტების მხრიდან გაკეთებული განცხადებები მიუთითებს იმას, „რამდენად ფასადური იყო მათი ერთგულება ევროპის მიმართ“.

„ფაქტი ერთია, ბოლო 8 წელიწადში მიღწეული შედეგებით ნამდვილად უნდა იამაყოს როგორც მმართველმა გუნდმა, ისე თითოეულმა ადამიანმა. როგორც არასდროს, ისე ახლოს ვართ ევროპასთან. როგორც არასდროს ისეთი ძლიერია ჩვენი თანამშრომლობა სტრატეგიულ პარტნიორებთან და ამაზე მეტყველებს არა მხოლოდ კონკრეტული საუბრები ან განცხადებები, არამედ კონკრეტული ქმედებები“,-განაცხადა კუჭავამ.

როგორც მან აღნიშნა, ოპოზიცია თავისი განცხადებებით საკუთარი თავის ლუსტრაციას ახდენს, თუ რას წარმოადგენენ.

„ამის ფონზე ბოლო პერიოდში ჩვენი ოპონენტების მხრიდან (მათ ვითომ ევროპელებს დავარქმევდი) გაკეთებული განცხადებები, აღიარებები თუ მონანიებები ნაკლებად თუ მძიმე შეცდომების, პირველ რიგში მიუთითებს იმას, რამდენად ფასადური იყო მათი ერთგულება ევროპის მიმართ. დღეს, სრული ლუსტრაცია ხდება მათი კომენტარებიდან, თუ რას წარმოადგენენ, კარგად ვხედავთ, თუ რას აპირებენ და როგორია მათი დაპირებები იმ შემთხვევაში, თუ ხელისუფლებაში მოვლენ“, - განაცხადა კუჭავამ.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს