მიშელ ბაშელე - შეშფოთებული ვარ მთიან ყარაბაღში საომარი მოქმედებების განახლების გამო, მხარეებს ბრძოლის დაუყოვნებლივ დასრულებისკენ მოვუწოდებ

გაეროს უმაღლესი კომისარი ადამიანის უფლებების საკითხებზე მიშელ ბაშელე მთიან ყარაბაღში მიმდინარე საომარი მოქმედებების გამო შეშფოთებას გამოხატავს და მხარეებს მშვიდობიანი მოსახლეობის დაცვისკენ მოუწოდებს.

„შეშფოთებული ვარ მთიანი ყარაბაღის კონფლიქტის ზონაში შეხების ხაზთან განახლებული საომარი მოქმედებების გამო და მხარეებს ბრძოლის დაუყოვნებლივ დასრულებისკენ მოვუწოდებ. ღრმად შეწუხებული ვარ მშვიდობიან მოსახლეობაში დაღუპულებისა და დაშავებულების შესახებ გავრცელებული ინფორმაციით. მხარეებს მოვუწოდებ, პატივი სცენ ადამიანის უფლებების საერთაშორისო კანონს და დაიცვან მშვიდობიანი მოსახლეობა,“- აღნიშნულია მიშელ ბაშელეს მიერ გავრცელებულ განცხადებაში.