"მადლიერების ჩიტი" ბატონ ჯემალ ჭკუასელს

ხელოვნების სასახლეში ქართველი გამოჩენილი მომღერლისა და ლოტბარის, ანსამბლ „ერისიონის“ სამხატვრო ხელმძღვანელის, ჯემალ ჭკუასელის 85 წლის იუბილესადმი მიძღვნილი ღონისძიება გაიმართა. საიუბილეო საღამოს საქართველოს პარლამენტის თავმჯდომარე - არჩი­ლ თალაკვაძე, განათლების, მეცნიერების, კულტურისა და სპორტის მინისტრი - მიხეი­ლ ჩხენკელი, სმარტ კაპიტალ ჯგუფის ფონდის - ;ქართული გალობა; დამფუძნებელი ვან­ო ჩხარტიშვილი, საქართველოს საპატრიარქოს წარმომადგენლები და სხვა საპატიო სტუმრები ესწრებოდნენ.

საღამოზე ჯემალ ჭკუასელს ვან­ო ჩხარტიშვილმა ფონდ ;ქართული გალობის“ სპეციალური ჯილდო – „მადლიერების ჩიტი“ გადასცა, ქვეყნის წინაშე გაწეული განსაკუთრებული წვლილისა და ამაგისათვის. ასევე, წარადგინა სპეციალურად ამ დღისთვის ჩამოსხმული მეღვინეობა „შილდას“ ახალი სახელობითი ღვინო – ჯემალ ჭკუასელი, რომლიც წარმოებიდან შემოსული თანხა სრულად გადაეცემა ანსამბლ „ერისიონს“.

ხელოვნების სასახლის უკვდავთა თაღში ჯემალ ჭკუასელის ხელის ანაბეჭდები გაიხსნა, ასევე გაიმართა განათლების, მეცნიერების, კულტურისა და სპორტის სამინისტროს მხარდაჭერით გამოცემული ჯემალ ჭკუასელის შემოქმედების ამსახველი წიგნის პრეზენტაცია.

საღამოზე წარმოდგენილი იქნა ფოლკლორის ცენტრის მიერ მოძიებული ლოტბარის მიერ სხვადასხვა დროს შესრულებული ქართული სიმღერების აუდიო და ვიდეო მასალები. ღონისძიებაში მონაწილეობდნენ ანსამბლები: „ერისიონი“, „რუსთავი“ და „ბასიანი“. საიუბილეო საღამო განათლების, მეცნიერების, კულტურისა და სპორტის სამინისტროს, საქველმოქმედო ფონდ „ქართული გალობის“, საქართველოს ფოლკლორის სახელმწიფო ცენტრის, მეღვინეობა „შილდას“ მხარდაჭერითა და საქართველოს ხელოვნების სასახლის ორგანიზებით ჩატარდა.

(R)

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი