ახლა ვართ პროცესში, როდესაც ვრისკავთ ყველაფერს, რასაც ბოლო თვეების განმავლობაში მივაღწიეთ, - ამის შესახებ გერმანიის კანცლერმა ანგელა მერკელმა პარლამენტში სიტყვით გამოსვლისას განაცხადა.
მისივე თქმით, წესებისა და შეზღუდვების დაწესება დროის გაფლანგვა იქნება, თუკი ადამიანები მათ არ დაიცავენ. კანცლერმა გერმანელებს მოთმინების გამოჩენისკენ მოუწოდა.
„ძველი ცხოვრების რიტმი დაბრუნდება. ოჯახები ისევ გამართავენ წვეულებებს, კლუბები, თეატრები და ფეხბურთის მოედნები ისევ გაივსება, მაგრამ უნდა ვაჩვენოთ, რომ მოთმინებისა და კეთილგონიერების გამოჩენა შეგვიძლია, ამ გზით კი ადამიანების სიცოცხლეს გადავარჩენთ,“- აღნიშნა ანგელა მერკელმა.
ცნობისათვის, გერმანიაში, ბოლო 24 საათში, კორონავირუსის 1 798 ახალი შემთხვევა დადასტურდა და 17 ადამიანი გარდაიცვალა.