გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ „ინტერპრესნიუსს“ კომპანიის პრესსამსახურიდან აცნობეს.

„ქსელის გეგმური სარეაბილიტაციო სამუშაოების გამო, 1-ელ ოქტომბერს 10:00-დან 19:00 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში გუდაური, ქუმლისციხე, კობი, ქვეშეთი, სეთურნი, ებნისი და მიმდებარე სოფლებში, 10:00-დან 18:00 საათამდე აბონენტებს ყაზბეგის რაიონის სოფლებში სტეფანწმინდა, გველეთი, ლარსი, დარიალი და მიმდებარე სოფლებში, 11:00-დან 18:00 საათამდე აბონენტებს მცხეთის რაიონის სოფლებში მუხრანი, ქანდა, მისაქციელი და მიმდებარე სოფლებში, 12:00-დან 13:00 საათამდე აბონენტებს მცხეთის რაიონის სოფლებში ცხვარიჭამია, ლელუბანი, სოფელი გლდანი და მიმდებარე სოფლებში.

სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება“,-აღნიშნულია ინფორმაციაში.