დავით უსუფაშვილი - ევროპას ძალიან სწრაფად უნდა დავეწიოთ კეთილდღეობით, უსაფრთხოებითა და თავისუფლებით

ქვეყანას ცვლილება სჭირდება „ლელო“ შეიქმნა სწორედ იმიტომ, რომ ეს ცვლილება რეალობად აქციოს, - ამის შესახებ „ლელო საქართველოსთვის“ ერთ-ერთმა ლიდერმა დავით უსუფაშვილმა „ლელოს“ პარტიული სიის პრეზენტაციის შემდეგ ჟურნალისტებს განუცხადა.

დავით უსუფაშვილის თქმით, „ლელოს“ გუნდში სხვადასხვა სფეროდან არიან სერიოზული პოტენციალის მქონე ადამიანები როგორც პოლიტიკური, ისე ბიზნესგამოცდილების, პროფესორები, არასამთავრობო სექტორიდან და ა.შ.

მისივე თქმით, ეს არის გუნდი, რომელსაც კონკრეტული გეგმა აქვს.

„ნებისმიერთან კამათისთვის მზად ვარ, რომ 30 წლის განმავლობაში არცერთ პოლიტიკურ ძალას არ წარმოუდგენია ასეთი სრულყოფილი, მასშტაბური და კომპლექსური გეგმა კრიზისიდან ქვეყნის გამოსაყვანად. ამდენი შრომა არ ყოფილა იმის თაობაზე, რა ვუშველოთ ეკონომიკას. ძირითადად საუბარია იმაზე, როგორ მოვაწონოთ თავი ადამიანებს და მივიდეთ ძალაუფლებასთან. „მარშალის გეგმა“ კონკრეტულად გაწერილი სქემაა საშუალო ფენის შესაქმნელად, 60 000-დან 600 000-მდე მოქალაქეს ჰქონდეს მაღალი ხელფასი. ანუ, ევროპას ჩვენ ძალიან სწრაფად უნდა დავეწიოთ კეთილდღეობით, უსაფრთხოებითა და თავისუფლებითაც. „ლელო“ ამის შემოქმედი იქნება“, - განაცხადა უსუფაშვილმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა