კონსტანტინე კუბლაშვილი - სისხლის სამართლის ახალი საპროცესო კოდექსი იანვრიდან ამოქმედდება

სასამართლო სისტემაში უახლოეს მომავალში დაგეგმილი ძირეული ცვლილებები სერიოზული ნაბიჯი იქნება ამ სისტემის რეფორმირებისთვის.

ამის თაობაზე დღეს მოსამართლეების მიერ ფიცის დადების შემდეგ უზენაესი სასამართლოს თავმჯდომარემ კონსტანტინე კუბლაშვილმა განაცხადა.

მისივე თქმით, დეკემბერში საფუძვლიანი და; ძირეული ცვლილება შევა სისხლის სამართლის საპროცესო კოდექსში, რომლის საფუძველზეც გათანაბრდება პროკურორისა და ადვოკატის უფლებები.

როგორც კუბლაშვილმა აღნიშნა, დღეისთვის არსებობს გარკვეული უპირატესობა პროკურორის მხარეს, ხოლო ამ ცვლილებების შემდეგ მოხდება კანონის დონეზე მათი უფლებების გათანაბრება და ხშირ შემთხვევაში ადვოკატს, შესაძლოა, მეტი უპირატესობაც ჰქონდეს.

გარდა ამისა, კუბლაშვილის განცხადებით, მნიშვნელოვანია ნაფიც მსაჯულთა სისტემის შემოღება. იანვრიდან უკვე ამოქმედდება სისხლის სამართლის ახალი საპროცესო კოდექსი, ხოლო ნაფიც მსაჯულთა სისტემა ოდნავ მოგვიანებით შევა ძალაში.

ექვსმა ახალმა მოსამართლემ დღეს უზენაეს სასამართლოში ფიცი დადო. ისინი მოსამართლეებად 10 წლის ვადით დაინიშნენ.

;