დავით ზალკალიანი სან ფრანცისკოში საქართველოს გენერალური საკონსულოს გახსნაზე - დღეს ჩვენ კიდევ ერთი აგური დავაშენეთ ჩვენს მტკიცე სტრატეგიულ პარტნიორობას

საქართველოს საგარეო საქმეთა მინისტრმა დავით ზალკალიანმა, სან ფრანცისკოში საქართველოს გენერალური საკონსულოს ოფიციალური გახსნის ვირტუალურ ცერემონიაში მიიღო მონაწილეობა. ინფორმაციას საგარეო საქმეთა სამინისტრო ავრცელებს.

უწყების ცნობით, მინისტრმა სიტყვით მიმართა ღონისძიების მონაწილეებს და სან ფრანცისკოში საქართველოს გენერალური საკონსულოს გახსნის მნიშვნელობაზე ისაუბრა.

„გენერალური საკონსულო დასავლეთის 19 შტატს მოიცავს და მისი მიზანი ამ მნიშვნელოვან რეგიონში არა მხოლოდ ქართული ინტერესების ხელშეწყობა, არამედ საერთო ინტერესების გატარებით, აშშ-საქართველოს შორის ძლიერი და მტკიცე სტრატეგიული პარტნიორობის ჩამოყალიბება იქნება“, - განაცხადა ზალკალიანმა.

მისივე თქმით, საქართველოს მიერ დამოუკიდებლობის დაბრუნებისთანავე, ამერიკელმა ინვესტორებმა მნიშვნელოვანი წვლილი შეიტანეს ქვეყნის ეკონომიკის გაძლიერებაში.

„დღეს, საქართველო, რეგიონში თავისი სტრატეგიული მდებარეობის, თავისუფალი სავაჭრო შეთანხმებების ფართო ქსელითა და ბიზნესის კეთების სიმარტივის კუთხით ერთ-ერთი საუკეთესო პოზიციის გათვალისწინებით, შესანიშნავ შესაძლებლობებს სთავაზობს ამერიკელ ბიზნესმენებს“, - აღნიშნა მინისტრმა.

საგარეო საქმეთა სამინისტროს ცნობით, უწყების ხელმძღვანელმა საქართველოსა და კალიფორნიის მსგავსებებზეც ისაუბრა, კალიფორნიის შტატის ვიცე-გუბერნატორს, ელენი კოულანაკისს მადლობა გადაუხადა და ხაზგასმით აღნიშნა, რომ ამ რეგიონში საქართველოს გენერალური საკონსულოს გახსნა კიდევ ერთი წინგადადგმული ნაბიჯია საქართველო-აშშ-ს ურთიერთობებში.

„დღეს, ჩვენ კიდევ ერთი აგური დავუმატეთ ჩვენს მტკიცე სტრატეგიულ პარტნიორობას და მე დარწმუნებული ვარ, რომ ჩვენს თანამშრომლობას აქვს უზარმაზარი პოტენციალი შესანიშნავი წარმატებული ისტორიის შესაქმნელად“, - განაცხადა დავით ზალკალიანმა.

ცნობისთვის, მიმდინარე წლის 30 სექტემბერს, სან ფრანცისკოში ოფიციალურად გაიხსნა საქართველოს გენერალური საკონსულო. გახსნის ვირტუალური ცერემონიაში მონაწილეობა მიიღეს საქართველოს საგარეო საქმეთა მინისტრმა, დავით ზალკალიანმა და კალიფორნიის შტატის ვიცე-გუბერნატორმა, ელენი კოულანაკისმა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)