„ჯორჯიან მანგანეზმა“ მაღაროელის პროფესიულ დღესთან დაკავშირებით, თანამშრომლებსა და ვეტერანებს, „საპატიო სამთოელის“ წოდება მიანიჭა
"ჯორჯიან მანგანეზმა“ მაღაროელის პროფესიულ დღესთან დაკავშირებით, 25 მოქმედ თანამშრომელს და 5 ვეტერან სამთოელს „საპატიო სამთოელის“ წოდება მიანიჭა.
როგორც "ინტერპრესნიუსს" "ჯორჯიან მანგანეზიდან" აცნობეს, "ჯორჯიან მანგანეზის" ხელმძღვანელმა პირებმა საპატიო სამთოელებს პროფესიული დღე პირადად მიულოცეს და საწარმოო პროცესში განსაკუთრებული წვლილის შეტანისთვის, კომპანიისგან დაწესებული სამახსოვრო ჯილდოები, ასევე, ფულადი პრემიები გადასცეს.
მათივე ინფორმაციით, შარშანდელი წლისგან განსხვავებით, მაღაროელის დღე, წელს, ეპიდვითარების გამო, მასშტაბურად არ გაიმართა, თუმცა, ღონისძიებები ხუთ საწარმოო ობიექტზე: პერევისას, ითხვისის, მღვიმევის, შუქრუთისა და დარკვეთის მაღაროებზე, ლოკალურად აღინიშნა.
კომპანიის ინიციატივით, მაღაროელის დღე ჭიათურაში უკვე მეორე წელია, რაც აღინიშნება. პროფესიული დღე, მოქმედ მაღაროელებს ვეტერანმა სამთოელებმაც მიულოცეს.
v-if="article.gallery" v-html="article.gallery"
