დავამთავრე რაგბი, მინდოდა, რომ ქვეყნისთვის მეშრომა, სამშობლოსთვის მეშრომა, როგორც აქამდე ვაკეთებდი, - ასე უპასუხა “ქართული ოცნების” საარჩევნო სიის წევრმა, მორაგბე დავით კაჭარავამ ჟურნალისტის შეკითხვას, თუ რატომ გადაწყვიტა პოლიტიკაში წასვლა.

კაჭარავას თქმით, “ქართული ოცნება” მასთან ყველაზე უფრო ახლოს მდგომი პარტიაა.

“ჩემთვის “ქართული ოცნება” არის ერთ-ერთი ყველაზე უფრო ახლოს მდგარი პოლიტიკური პარტია და გავაგრძელებ სამშობლოსთვის შრომას”, - განაცხადა კაჭარავამ.

ცნობისთვის, დღეს 20:00 საათზე „ქართული ოცნება - დემოკრატიული საქართველო“ საარჩევნო პროგრამის პრეზენტაციას გამართავს.