ევროკავშირი მიიჩნევს, რომ მთიანი ყარაბაღის კონფლიქტში გარე ძალის ჩარევა უნდა შეწყდეს, - BBC-ის ინფორმაციით, ამის შესახებ ევროსაბჭოს პრეზიდენტმა, შარლ მიშელმა სამიტის პირველი დღის დასრულების შემდეგ გამართულ პრესკონფერენციაზე განაცხადა.

„თითოეულმა უნდა შეასრულოს უფრო კონსტრუქციული როლი მთიან ყარაბაღში სიტუაციის დეესკალაციის ხელშეწყობისთვის. გვსურს, რომ მთიანი ყარაბაღის კონფლიქტში გარე ძალის ჩარევა შეწყდეს, რადგან ეს სიტუაციის კიდევ უფრო დაძაბვას იწვევს,“ - აღნიშნა შარლ მიშელმა თურქეთთან დაკავშირებით დასმულ კითხვაზე პასუხისას.