ნათია თურნავა - საქართველოს გავლით სამოქალაქო დანიშნულების ტვირთების გადაზიდვა შეუფერხებლად ხორციელდება, როგორც აზეირბაიჯანთან, ასევე სომხეთთან მიმართებაში

საქართველოს გავლით სამოქალაქო დანიშნულების სატრანზიტო ტვირთების გადაზიდვა აბსოლუტურად შეუფერხებლად ხორციელდება, როგორც აზეირბაიჯანთან , ასევე სომხეთთან მიმართებაში, - ამის შესახებ ეკონომიკის მინისტრმა ნათია თურნავამ საქართველოს ეროვნული უსაფრთხოების საბჭოს სხდომის შემდეგ განაცხადა.

როგორც თურნავამ აღნიშნა, სამოქალაქო დანიშნულების ტვირთით დატვირთული მანქანების მიერ საზღვრის კვეთები კონფლიქტის განახლების მომენტიდან არ შეცვლილა.

„მოგეხსენებათ, რომ საქართველოს ჩვენს რეგიონში აკისრია ძალიან მნიშვნელოვანი სატრანზიტო ფუნქცია. ეს არის ძალიან მნიშვნელოვანი ფაქტორი მთლიანად რეგიონალური ეკონომიკის განვითარებისთვის და რასაკვირველია, ჩვენი მეზობელი სახელმწიფოების - აზერბაიჯანის, სომხეთის ეკონომიკის გამართული ფუნქციონირებისთვის. ამ თვალსაზრისით, საქართველოს გავლით სამოქალაქო დანიშნულების სატრანზიტო ტვირთების გადაზიდვა აბსოლუტურად შეუფერხებლად ხორციელდება, როგორც აზეირბაიჯანთან , ასევე სომხეთთან მიმართებაში. ამაზე მეტყველებს სტატისტიკა, სამოქალაქო დანიშნულების ტვირთით დატვირთული მანქანების საზღვრის კვეთები რომ ავიღოთ, არ შეცვლილა კონფლიქტის განახლების მომენტიდან. დაახლოებით, 750-დან 800-მდე სატვრთო ავტომობილი სამოქალაქო ტვირთით ყოველდღიურად კვეთს საქართველო-აზერბაიჯანის და საქართველო-სომხეთის საზღვარს. უფრო მეტიც, სომხეთის სამოქალაქო ტვირთების გადაზიდვის უფრო მეტად უსაფრთხო და გამართული ფუნქციონირებისთვის და უზრუნველყოფისთვის, ავამოქმედეთ საბაჟო გამშვები პუნქტი ნინოწმინდა-ბავრა, რომელიც ძალიან მაღალი ინტენსივობით ემსახურება ტვირთებს, სომხეთის მიმართულებით და პირიქით სომხეთიდან გამავალი სატრანზიტო ტვირთებს ინტენსივობა ძალიან მაღალი აქვთ, კვეთები ძალიან მაღალია და ამ კუთხით რაიმე შეფერხებას ადგილი არ აქვს და არ ექნება“, - განაცხადა თურნავამ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება