ისრაელის პრემიერ-მინისტრ ბენიამინ ნეთანიაჰუს გადადგომის მოთხოვნით ქვეყნის სხვადასხვა ქალაქში საპროტესტო აქცია გაიმართა. დემონსტრაციებში მონაწილეობას ათასობით ადამიანი იღებდა. ყველაზე ხალხმრავალი აქცია თელ-ავივში გაიმართა, სადაც დემონსტრაცია პოლიციასთან შეტაკებაში გადაიზარდა. სამართალდამცავებმა ათობით დემონსტრანტი დააკავეს, ვრცელდება ინფორმაცია დაშავებულების შესახებ. აქტივისტები პარლამენტის მიერ მიღებულ ახალ კანონს აპროტესტებდნენ, რომლის მიხედვითაც პანდემიის დროს ისრაელის მოქალაქეებს საცხოვრებელი სახლიდან 1 კილომეტრის მოშორებით გადაადგილების უფლება არ აქვთ. აქციის მონაწილეები კანონს ადამიანის უფლებების უხეშ დარღვევად მიიჩნევენ.

კორონავირუსის შემთხვევების მკვეთრი ზრდის გამო 18 სექტემბერს ისრაელში საყოველთაო კარანტინი განმეორებით გამოცხადდა.