ახალი კალედონიის მოსახლეობამ საფრანგეთისგან გამოყოფას არჩევნებში მხარი არ დაუჭირა. Reuters-ის ინფორმაციით, საფრანგეთის შემადგენლობაში დარჩენას კუნძულის მაცხოვრებელთა 53%-მა მხარდაჭერა გამოუცხადა.
არჩევნების შედეგებს მიესალმა საფრანგეთის პრეზიდენტი ემანუელ მაკრონი. მისი თქმით, წყნარი ოკეანის რეგიონში, სადაც ჩინური გავლენა იზრდება, ახალი კალედონიის მოსახლეობის პოზიციას ძალიან დიდი მნიშვნელობა აქვს.
ახალი კალედონია საფრანგეთის კოლონია 1853 წელს გახდა. 2018 წელს კუნძულზე დამოუკიდებლობის შესახებ პირველი რეფერენდუმი გაიმართა, სადაც მოსახლეობის უმეტესობამ საფრანგეთის შემადგენლობაში დარჩენას დაუჭირა მხარი.