ნავთობპროდუქტების ფასებისა და ეროვნული ვალუტის კურსის სტაბილურობის გათვალისწინებით, „სოკარი“ საწვავზე არსებულ ფასებს შეინარჩუნებს

კომპანია „სოკარ ჯორჯია პეტროლეუმში“ მსოფლიო ბაზარზე ნავთობპროდუქტების ფასებისა და ეროვნული ვალუტის კურსის ცვლილების დინამიკას აფასებენ და აცხადებენ, რომ მსგავსი პოზიტიური დინამიკის შენარჩუნების შემთხვევაში, კომპანია ქართულ ბაზარზე საწვავის არსებული სარეალიზაციო ფასის შენარჩუნებას შეძლებს. ხოლო, იმ შემთხვევაში, თუ მსოფლიო ბაზარზე ფასების კლება და ლარის კურსის მეტად დასტაბილურება დაფიქსირდა, „სოკარ ჯორჯია პეტროლეუმი“ საწვავის ფასს დაწევს.

კომპანიაში ამბობენ, რომ ეროვნული ვალუტის კურსი, ისევე, როგორც მსოფლიო ბაზარზე ნავთობპროდუქტების ფასების ზრდა, საქართველოში საწვავის სარეალიზაციო ფასის ცვლილებაზე მნიშვნელოვან გავლენას ახდენს. თუმცა, კომპანიას ამ ეტაპზე აქვს საკმარისი მარაგი იმისათვის, რომ შეძლოს ფასების შენარჩუნება.

მიუხედავად ვალუტის კურსის ცვლილებისა, კომპანია, მთელი ამ დროის განმავლობაში, ცდილობდა, გაეთვალისწინებინა მომხმარებლების ინტერესები და ამისათვის, ენერჯი ბარათის მფლობელთათვის სხვადასხვა აქციაც გამოაცხადა.

ენერჯი ბარათის მფლობელები ბენზინსა და დიზელზე დამატებით 9 თეთრიან ფასდაკლებას იღებენ, ხოლო ყოველ შეძენილ ლიტრზე 3 თეთრი ბარათზე უგროვდებათ. ასევე, მომხმარებლებს 7 თეთრიანი ფასდაკლების მიღება შეუძლიათ გაზის შეძენის შემთხვევაშიც.

გარდა ამისა, ყოველ პარასკევსა და შაბათს, ენერჯი ბარათის მფლობელთათვის, ბენზინსა და დიზელზე განსაკუთრებული, 14 თეთრიანი ფასდაკლება მოქმედებს. ყოველ შეძენილ ლიტრზე 3 თეთრი კი სოკარის მომხმარებლებს ისევ ბარათზე უგროვდებათ.

(R)

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა