მამუკა ხაზარაძე - ანტისახელმწიფოებრივი ქმედებაა, როდესაც არაფორმალური ლიდერი უსმენს პრეზიდენტის ვიზიტების შედეგებს

ეს არის წარმოუდგენელი, ანტისახელმწიფოებრივი ქმედება როდესაც არაფორმალური ლიდერი უსმენს პრეზიდენტის ვიზიტების შედეგებს, - ამის შესახებ „ლელოს“ თავმჯდომარე მამუკა ხაზარაძემ საქართველოს პრეზიდენტის, სალომე ზურაბიშვილის საპასუხოდ განაცხადა.

მისივე თქმით, პრეზიდენტი ბიძინა ივანიშვილს კი არა, ქართველ ხალხს უნდა აბარებდეს ანგარიშს.

„სამწუხაროდ, სწორედ ასეთმა 90-წლიანი, რუსული ტიპის მენტალობამ მიიყვანა ჩვენი ქვეყანა და მისი ყველა მიმართულება ასეთ კრიზისამდე. პრეზიდენტი ბიძინა ივანიშვილს კი არა, ქართველ ხალხს უნდა აბარებდეს ანგარიშს მაგრამ სამწუხაროდ, პრეზიდენტიც მთავარი პროკურორიც და პარლამენტიც, ყველა ემორჩილება ერთ ადამიანს, ეს არის უბედურება ამ ქვეყნის. ყველამ თავის გულში ჩაიხედოს და კითხოს, ვის ემსახურებით, ემსახურებით საქართველოს ინტერესებს თუ ერთი ადამიანის ინტერესებს. სანამ ამას მიხვდებით, ეს ქვეყანა იქნება ამ მდგომარეობაში, მაგრამ ჩვენ ამას დაგიმთავრებთ ოქტომბერში,“ - აღნიშნა ხაზარაძემ.

ცნობისთვის, საქართველოს პრეზიდენტი სალომე ზურაბიშვილის განცხადებით, ბოლო ვიზიტი ბიძინა ივანიშვილთან 5 თვის წინ ჰქონდა და ზოგჯერ საჭიროდ თვლის დაამყაროს მასთან კომუნიკაცია.

„ზოგჯერ არის თემები, როდესაც საჭიროდ ვთვლი, რომ შევხვდე ბიძინა ივანიშვილს. შეხვედრა ყოველთვის ჩემი ინიციატივით ხდება. მე არ მახსოვს, როდესმე მას დავეძახე. ვთვლი, რომ როგორც უმრავლესობის პარტიის თავმჯდომარე, სწორი არის ზოგჯერ მასთან მქონდეს კომუნიკაცია,“ - განაცხადა ზურაბიშვილმა „რუსთავი 2“-ის ეთერში.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“