მერიასთან გიორგი ვაშაძესა და სამართალდამცველებს შორის კიდევ ერთი დაპირისპირება მოხდა

დედაქალაქის მერიასთან „სტრატეგია აღმაშენებლის” ლიდერ გიორგი ვაშაძესა და სამართალდამცველებს შორის კიდევ ერთი დაპირისპირება მოხდა.

ვაშაძის განცხადებით, პოლიცია პროვოკაციას აწყობს. მისივე თქმით, პარტიის წევრებს უბრალოდ სურდათ, მათივე კარვები დაეშალათ, რა დროსაც მათთან სამართალდამცველები მივიდნენ.

„პოლიცია ჩამოყალიბდა პროვოკატორად, აგონიაში მყოფი „ოცნების” ხელში”,- განაცხადა ვაშაძემ.

ამას გარდა, გიორგი ვაშაძე ითხოვს, აქციაზე დაკავებული პირები გათავისუფლდნენ.

„რატომ იჭიდავეს ან პოლიცია რატომ მოიყვანეს? სიმართლის თქმის ეშინიათ. ხალხის ხმის ეშინიათ, ფულის კეთებაზე არიან გადასულები. ამიტომ აკეთებენ ამას. არჩევანი არის მარტივი - ფულის მკეთებლები დამსხვრეული ოცნებების სახით, თუ საქმის მკეთებლები- “სტრატეგია აღმაშენებლის” გუნდის სახით“, - განაცხადა ვაშაძემ.

შეგახსენეთ, მერიასთან სამართალდამცავებმა ოთხი პირი დააკავეს. შსს-ს ცნობით, აქციის მონაწილეები ზოგადი ადმინისტრაციული კოდექსის 173-ე მუხლით არიან დაკავებულები, რაც სამართალდამცავი ორგანოს მუშაკის ან სამხედრო მოსამსახურის და სახელმწიფო დაცვის სპეციალური სამსახურის თანამშრომლის კანონიერი განკარგულებისადმი ან მოთხოვნისადმი დაუმორჩილებლობას გულსხმობს.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს