ზაალ უდუმაშვილმა მასწავლებლებს პროფესიული დღე მიულოცა და პარტიის პროგრამა გააცნო

"ერთიანი ნაციონალური მოძრაობის" ერთ-ერთმა ლიდერმა, ზაალ უდუმაშვილმა მასწავლებლებს პროფესიული დღე მიულოცა და პარტიის პროგრამა გააცნო.

როგორც უდუმაშვილმა განაცხადა, მასწავლებლების ხელფასი 2 000 ლარი გახდება და განათლების დაფინანსება გაორმაგდება.

"ძვირფასო მასწავლებლებო, გილოცავთ პროფესიულ დღეს, ამ ქვეყნის მომავალი განათლებაზე დგას. განათლების სისტემა კი მთლიანად დამოკიდებულია თქვენს ენთუზიაზმზე და ერთგულებაზე იმ საქმისადმი, რომელსაც უკვე წლებია ემსახურებით. თუმცა, სამწუხაროდ თქვენი შრომა სათანადოდ დაფასებული არაა. ხელისუფლება დღემდე ცდილობს პედაგოგები საკუთარი პოლიტიკური მიზნებისთვის გამოიყენოს. სამსახურიდან დათხოვნის მუქარა, შანტაჟი, ზეწოლა - ეს უკვე ყოველდღიურ მოვლენად იქცა. დღეს სკოლებს მმართველი პარტია და სპეცსამსახურები მართავენ და ჩვენ ყველანი გავხდით იმ შემზარავი ტრაგედიის მომსწრე, რომელიც ზუგდიდში დატრიალდა. ია კერძაიას ტრაგედიას ვგულისხმობ.

ჩვენ ერთად უნდა შევცვალოთ ეს მძიმე ვითარება. უნდა შევქმნათ ისეთი გარემო, სადაც მასწავლებლის პროფესია პრესტიჟული და დაფასებული იქნება. ჩვენი გეგმით, მასწავლებლის ხელფასი გახდება მინიმუმ 2000 ლარი. სკოლა და უნივერსიტეტი სრულიად დეპოლიტიზირებული იქნება. დაუშვებელი იქნება მასწავლებლების საარჩევნო კომისიებში იძულებით დანიშვნა. განათლების დაფინანსება გაორმაგდება. დაინერგება ამერიკული და ევროპული საგანმანათლებლო პროგრამები. მჯერა, რომ ჩვენ ერთად შევიტანთ წვლილს განათლების რეფორმაში და ერთად ვიამაყებთ მიღწეული წარმატებებით", - აღნიშნა ზააალ უდუმაშვილმა.

აღნიშნულ ინფორმაციას "ერთიანი ნაციონალური მოძრაობის" პრესსამსახური ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!