უკან მომავალში - რა გველოდება ბაზრის მიმდინარე რყევების პირობებში

Colliers International Georgia პროექტ recov.ge-ს ფარგლებში 2018-2019 წლების უძრავი ქონების კვლევებს აქვეყნებს. კვლევები სააგენტო აწარმოე საქართველოს დაკვეთით უკვე მეორედ მომზადდა და უძრავი ქონების ყველა სექტორის დეტალურ ანალიზს მოიცავს. მათ შორისაა: სასტუმრო, საცხოვრებელი, საოფისე, კომერციული, ინდუსტრიულ-ლოგისტიკური, საკონფერენციო-საგამოფენო, სპორტისა და გართობის სექტორები. აღნიშნული ანალიტიკა უძრავი ქონების ბაზარზე წარმოდგენილი მოთამაშეებისთვის სრული სურათის შექმნას ისახავს მიზნად. კვლევები განსაკუთრებით საინტერესო და აქტუალური სწორედ ახლაა, რადგან ბაზრის მიმდინარე რყევების პირობებში გვიწევს პროგნოზის გაკეთება - რა გველოდება მომავალ რამდენიმე წელიწადში.

სექტორული კვლევებიდან გამოკვეთილ მნიშვნელოვან მიგნებებს სიცხადე შეაქვს მომავლის შეფასებაში და გვეხმარება იმის პროგნოზირებაში, თუ როდის და რა ნიშნულს შეიძლება დაუბრუნდეს უძრავი ქონების ინდუსტრია პანდემიის დაძლევის შემდეგ.

სასტუმრო

2019 წელს, თბილისში სასტუმროების ნომრების მიწოდება 23%-ით გაიზარდა და 12,430 ერთეული შეადგინა. ამავდროულად, მაღალი კლასის საერთაშორისო სასტუმროების ბაზრის ზომა შემცირდა, რაც Airbnb-ის ბაზრის მნიშვნელოვანმა ზრდამ დააკომპენსირა. სასტუმროების ბაზრის ძირითად კონკურენტად Airbnb-ის ბინების გაქირავების ნიშა რჩება, რომელმაც 2017 წლიდან მოყოლებული შემოსავლები გაასამმაგა და 2019 წელს 35 მილიონი აშშ დოლარი შეადგინა.

საცხოვრებელი

2019 წლის მდგომარეობით, 374 საცხოვრებელი პროექტი მშენებლობის პროცესშია, რაც თბილისის საცხოვრებელი ბაზრის მოცულობას 2.6 მილიონი კვ.მ ფართობით - 38,000 ბინით გაზრდის. ახალაშენებული ბინების ტრანზაქციები თბილისში 7.4%-ით შემცირდა, ბათუმში კი 35%-ით გაიზარდა. შედეგად, ბათუმის ბინების საშუალო ღირებულება თბილისისას აღემატება.

საოფისე

2019 წელს, A კლასის ბიზნეს-ცენტრებში ვაკანტურობის მაჩვენებელი 39%-დან 25%-ზე ჩამოვიდა. 2020-ის ბოლოს, მოსალოდნელია საოფისე ბაზრის მოცულობის 26%-იანი ზრდა, რაც, სავარაუდოდ, 2-3 წლიან პერსპექტივაში A კლასის თანამედროვე ბიზნეს-ცენტრების რენტებს შემცირების ტენდენციისკენ წაიყვანს.

კომერციული

2019 წელს, სავაჭრო ცენტრებში გაზრდილი მიწოდების ფონზე, მოიჯარეების მიერ 32,000 კვ.მ კომერციული ფართი იქნა დამატებით ათვისებული. იჯარის საშუალო შეწონილი ღირებულება 1.5%-ით შემცირდა და კვ.მ-ზე თვეში $19 შეადგინა.ჭავჭავაძის გამზირზე მიმდინარე გახანგრძლივებულმა სარეაბილიტაციო სამუშაოებმა ქუჩის სავაჭრო ობიექტებში ვაკანტურობის მაჩვენებლის საგრძნობი ზრდა გამოიწვია. ჯამურად თბილისის ქუჩის რითეილის ვაკანტურობა 6-დან 8%-მდე გაიზარდა.

ინდუსტრიულ-ლოგისტიკური

2018-2019 წლებში თბილისს 31,000 კვ.მ ინდუსტრიულ-ლოგისტიკური სივრცე დაემატა. 2017 წლიდან, მშრალ და სამაცივრე საწყობებში რენტების კლების ტენდენციაა. 2017 წელთან შედარებით, მშრალ და სამაცივრე საწყობებში ვაკანტურობის მაჩვენებელი B კლასში 10%-ით, ხოლო C კლასში 12%-ით შემცირდა.

საკონფერენციო-საგამოფენო

2019 წელს თანამედროვე საკონფერენციო და საგამოფენო დარბაზებში 6,881 შეხვედრა/ღონისძიება გაიმართა, შედეგად თბილისმა 466,997 დელეგატს უმასპინძლა. 2024 წლის ბოლოსთვის, ბათუმის საგამოფენო-საკონფერენციო სივრცეებს 3,903 კვ.მ დაემატება, რაც ჯამურად 3,134 დელეგატს დაიტევს.

უნდა აღინიშნოს, რომ სრული კვლევები უძრავი ქონების სექტორების მიხედვით პლატფორმა recov.ge-ზე უკვე ხელმისაწვდომია და ღიაა ყველა დაინტერესებული პირსთვის, შესაბამისად, მათ საშუალება აქვთ დაბრუნდნენ უკან წარსულში და გაიგონ რა შეიძლება იყოს ახალი ნორმა მომავალში.

Recov.ge | 032 2 243 060| recov@colliers.ge

(R)

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო